我倆的緣份，於半世紀前已經開始: 模範生姊妹

「咁…除左Miss Cheung呢?」

婆婆微微一笑「當然有啦仲要係兩姊妹」

「孖女?」

「唔係，家姐黎先。不過佢地兩姊妹都好叻，由小學開始已經全級第一」

「操行都好好?」





「個家姐就犀利囉，我第一次見佢，係佢小學4年級，我果時已經留意呢位同學，結果到佢升F.1時，佢為左男朋友送俾佢果隻公仔而頂撞我」

「F.1就有男朋友?果位師姐一定好靚」

「哦，果時未係」

「咁果位師姐今日有冇黎呀?」

「有!!點會冇呢，Jessie丫嘛」





「Miss Lam?林雪凝老師?」

「係呀!佢為左隻公仔頂撞我呀」

「咁另一個就係Miss Lam個妹妹?」

「係呀，佢地兩姊妹真係破哂紀錄，操行獎、模範生之類」

「呀…講起模範生啦，Miss Lam F.6同7果年，係有個男仔同佢一齊做雙模範生，請問係唔係真呢?」





「哦，當然啦，而且果個男仔，我地學校最後一個女校男生，就係Sally個仔，而家嘅程逸風機長」

Screen上show左契爺當年英華嘅學生相出黎，真係好靚仔呀

「校長連妳個契仔都黎我地學校喎，睇真d佢幾靚仔喎，唔怪得Miss Cheung咁鍾意人地」

「哈哈，唔止啦，妳地個師兄，同佢爸爸一樣，係畢業典禮到，同太太求婚」

「下?佢太太都係我地師姐?」

「係，佢今日都在場」

「邊位!?係邊位!?」大家愈來愈興奮

Screen中show出契媽張相





「嘩!!!!!」

「冇錯，佢太太就係Miss Lam，林雪凝老師」

「Miss Lam!!!!!好浪漫呀!!!!」

「咦?校長呀?即係Miss Cheung同Miss Lam以前爭男朋友呀?」

大家好緊張咁聽婆婆答

「又唔知算唔算係，可以話係啦，不過果時我個女已經有男朋友，就係佢而家呢位先生」

「估唔到….兩位老師同我地學校咁有淵源」





「其實呢…我最想我個寶貝孫女，同佢媽咪一樣係呢到畢業」

「校長係指讀大坑真光嘅Charlotte?」

「係呀，我得佢一粒孫女，但係我又諗，點解唔俾個孫女自己自由發展呢，當時好多家長都只係生一個，所以就不停催逼個小朋友讀書、上興趣班之類，我認為咁樣對個小朋友嘅發展絕對唔好，所以當年我就叫個女，俾Charlotte自己揀升咩中學。點知佢去左真光，個校長又係我學生，所以!我孫女一舉一動都逃唔出我雙眼」

「咁Charlotte似唔似Miss Cheung咁活躍呀?」

「哦，個孫女就比佢媽咪斯文少少嘅」

「相對之下，係Charlotte乖過Miss Cheung?」

「當然啦，果陣Jasmine成日要佢個男朋友，即係而家嘅先生幫佢做功課」

「咁Miss Cheung果陣呢?」





「瞓係到食薯片」

個screen show出左daddy讀中學時，幫瞓係到食薯片加敷mask嘅媽咪做功課嘅相，而呢張相，係契爺偷拍嘅

婆婆成功將「你問我答」嘅目光，轉向媽咪到

個mc見到呢張相，都忍唔住係到大笑

「咁校長，即係妳好想同妳有親戚關係嘅學生影返一張相?」

「當然啦，我每次都只係同佢地單獨影相，最多係同一代影，我想跨代影都唔得」

「嗯，咁麻煩校長移步台下，我地有份特別禮物送俾校長妳」





好快，台上拉出左大合照用嘅長椅