我倆的緣份，於半世紀前已經開始: 婆婆公開坦白

「呢位同學，Sally Yip，葉嘉麗同學，佢由F.1到F.7都係同我同班，我同佢係情同姊妹」

「咁校長有冇同過大師姐鬧交架?」

「女校呀!點會冇呀!真係….當年我同佢爭野都爭到好出名咁滯」

「係咩事呢?」

「係我F.6果年，學校出現左一件異常生物，一個女校男生。程偉忠同學，Tony Ching」





「佢對校長妳做左d咩呢?」

「當年嘛…我朝早好鍾意打排球，我地成班朝早打完波就會換衫架啦。正當我換緊衫著住件底裙果陣呢，Tony就行錯路入左黎」

WOW~~~

「然後呢?」

「然後?我咪大叫，之後打左佢不下十巴」





嘩…..婆婆打人十巴….老契爺果陣冇死真係要還神

「咁然後有咩事發生呀?」

「之後我發現左佢原來同我同班咁冇辦法啦，咁就要對住佢差唔多兩年」

「咁校長，有冇D浪漫野發生呀?我地學校有男仔黎讀喎」

婆婆係到笑「呵呵，我可以同大家講，當年我就係同妳地個大師姐，兩個人暗底爭男朋友，就係爭Tony」





大家聽到婆婆學生時代咁勇猛，同自己同學爭男朋友，大家嘅掌聲愈來愈熱烈

「咁校長當年，係贏定輸呀?」

「我當然輸左啦，我個女姓張架嘛，妳地唔記得啦?」

「呀…係係係…Miss Cheung係校長妳個千金，差d唔記得左」

「Tony呢，佢就係中學畢業果日，同Sally求婚，於是三年後佢地就正式結婚」

「咁校長妳呢?」

「我呀?我係差唔多時間，係地鐵上識到我先生，當時佢仲係做緊警察」

「咁呀….公….呀….即係…」





「公雞丫嘛，唔緊要喎，佢當時又唔知點解睇上我，我又有心為難佢」

「咁校長妳點做呀?」

「我話，我教佢英文，如果佢考到入境處幫辦呢，我就嫁俾佢，禮金都唔收」

大家聽到時嘅反應係非常雀躍

「校長好豪呀!!!!!」

「咁最後呢?」連mc都非常興奮

「最後佢又真係做到入境主任，我就守諾言嫁俾佢」





婆婆將佢同公公將結婚相show俾大家睇

「咁校長妳同大師姐都搵到自己幸福喎」