我倆的緣份，於半世紀前已經開始: 黑帝君臨

「慧思呀，妳入一入黎我房丫」

「知道契媽」

我入到契媽間房

「慧思妳試上身丫」

我慢慢將件衫著上，再轉一轉身俾契媽睇





「啱唔啱身呢?」

「其實…唔…..同我果件差唔多」

「嗯，咁就好啦，奶奶可以好開心咁退休」

「契媽，咁妳地呢?」

「我地?呵呵，為左果日，我地不停減肥」





「我明嘅，我見到媽咪連薯片都唔食，就知佢有幾重視黎緊個畢業典禮」

「妳媽咪真係有減呀?」

「應該話佢強迫daddy陪佢一齊減」

冇錯，我地DSE完啦，今年英華女校畢業典禮比較特別，因為婆婆會係畢業典禮果日退休，佢正式係英華女校畢業啦

恐怖雞退休喎，真係好隆重





唔止媽咪同幾個契媽，連我校長都會出席退休加畢業典禮

當日，真係好多人出席，除左Winnie佢地一班畢業生之外，仲有其他學校校長、婆婆嘅學生出席

而婆婆，就俾人推左上台「你問我答」

係台上嘅婆婆，不失恐怖雞氣息，連個MC都俾佢嚇窒咁滯

「各….各位同學、校友…家長，就有請我地今日主…主角，孔美玲校…校長」

嘩….個mc真係驚到呢

現場響起星球大戰黑帝出場嘅音樂

婆婆出場果種氣勢真係呢…..雖然佢由媽咪陪同下出場，但果種氣勢，遠遠將媽咪蓋過





「大家好」婆婆難得係學校好仁慈咁講野

「校長妳好」大家都唔敢唔回應

「今日……我最後一日係到返工，聽日開始，我正式退休」

果時氣氛開始凝重，始終婆婆係好受歡迎嘅校長

「估唔到，我最後一日，我都係避唔開，我避左….50年，最後都要上黎『你問我答』，真係…呢個環節當年邊個諗出黎」(咪就係婆婆妳囉)

「呀…校長，我地咁多學生都好想問妳。請問可唔可以介紹下妳當年返學嘅事俾大家知呢」

現場傳黎好多掌聲歡呼聲，而最興奮果個，一定係媽咪





「阿女妳好興奮?」

「真係諗起都興奮呀媽咪，妳都有今日囉」

「呢個不孝女….咁我講返啦，當年我19XX年入讀呢到」

「校長妳細個已經係人中之龍喎」

「邊係龍，當年我讀書唔係好叻，前幾晚我專登搵返我細個張成績表出黎俾大家睇，係，show出黎唔該」

的確，婆婆除左英文同history係高分之外，其他成績都係一般。而佢嘅一般係指90分以下，80分以上

「咁校長，妳係咁多年生涯有冇識到d對妳好好嘅朋友之類呀?」

「咁當然有啦，唔…我F.1果陣，已經識到我最好嘅朋友，大家睇睇Screen」





Wow~係老契媽同婆婆F.1影嘅相呀!!!!