我倆的緣份，於半世紀前已經開始: 好出名嘅媽咪同我

「Miss孔今日咩事，要妳老人家黎到我地真光?」
 
「哦….呢個問題呀，要問問妳地訓導處，點解要見我孫女家長，以我所知，佢係因為拍拖曝左光，所以先俾學校要求見面。今日我連佢男朋友同佢媽咪都帶埋黎，有咩問題可以同我兩個學生傾」
 
「大師姐，有咩都可以同我地兩個傾喎，妳都知我地係邊個啦」
 
「Jasmine妳都冇咩點變，細細個已經牙尖咀利，怪不得Charlotte又係咁」
 
媽咪用一個埋怨眼神望住我
 




「㗅……」「㗅……」
 
「另外Jessie，妳嘅事我都聽過，我妹妹話妳F.1第一日返學就頂撞Miss孔，妳亦都係連續7年英華模範生，仲有妳先生嘅事，我都好清楚」
 
「過獎啦大師姐」
 
「Miss Fung，因咩事要見Charlotte家長?」
 
「校長，李慧思同學，而家同男仔拍緊拖」
 




「就係企係到果位皇仁同學?」
 
訓導主任望一望哥哥
 
「係」
 
「同學你叫咩名?皇仁咩班?」
 
「校長，我叫程浩翹，皇仁書院5D班」
 




「嗯…皇仁5D，即係理科班啦」
 
「係，冇錯」
 
「Jessie佢係妳仔仔?」
 
「係呀，我細仔」
 
「即係Jessie妳個仔，同Jasmine妳個女拍拖，ok我明白，訓導主任有咩問題?」
 
「但係校長，訓導處唔鼓勵學生拍拖，原因係會影響佢地前途」
 
校長用一個不可相信嘅眼神望住訓導主任
 
「訓導主任，我唔覺得我孫仔同孫女拍拖有問題，佢地兩個又冇血緣關係，有咩問題?」




 
「但係孔校長，有時佢地仲會著校服拖手」
 
「有咩問題?年青人嘅青春就係咁樣，唔理世俗點睇，眼中只有對方，就係純潔嘅愛情。Christina，我記得妳當年…F.4開始同男仔拍拖，都係著哂校服拖手，我有冇記錯!?」
 
「係..Miss孔….我先生同我F.4果年開始拍拖」
 
然後我地幾個一齊「Woo~~~」
 
「咪係囉，冇問題架，我個女都係F.3遇上佢先生拍拖」
 
我係後邊細細聲講
 
「係F.1呀…媽咪F.1就唔知用咩法術令到daddy對佢著迷….明明咁粗魯」
 




媽咪聽到之後擰過黎
 
「㗅……」「㗅……」