我倆的緣份，於半世紀前已經開始: 婆婆黎踩場

部車一入到校門，車門一打開，就有個英華學生落左車，係Winnie
 
佢落車後乖乖地企係車門邊，首先落車嘅係契媽
 
佢落車時向學生點一點頭
 
然後到媽咪，佢落車時都係向學生點一點頭
 
終於到婆婆啦…..佢一落車果時果種氣勢呢….
 




 
「喂…..搞咩呀?婆婆咁嘅」
 
「妳學校訓導咁對妳，佢唔嬲就假啦，而家佢諗緊係咪要妳轉校啦」
 
「下!?我轉校!?」
 
「一陣校長開金口….妳唔知避唔避到啦」
 
「我諗唔會嘅，始終…..我爸爸先有最後決定權嘅…」




 
「總之呢，妳唔止有妳同學back up妳，仲有我地成間學校係妳後邊啦」
 
「全間學校?」
 
「我地將妳件事係學校講左出去，成班都話妳要轉過黎嘅話，我地無任歡迎」
 
「多謝哂妳地啦」
 
我又搣住Winnie塊面(我好鍾意同佢咁玩)




 
「妳唔好淆底呀」
 
「Charlotte!!!!」係….係獅哮功…
 
「係婆婆!!」
 
「上去!!」
 
「係!!」
 
婆婆經過之處，我d同學都一齊叫「校長午安」，嘩……婆婆果種霸氣真係冇人學到
 
佢可以震懾埋我地學校學生，令到佢地可以咁尊敬自己
 




學校訓導一聽到婆婆御駕親征，嚇到六神無主，我地副校長立即請婆婆一行三人，連埋我同哥哥兩個入會客室，然後通知校長黎
 
係會客室之中，婆婆、媽咪同契媽三個坐左係到，我同哥哥坐係佢地後邊
 
「嘩….呢間房我都係第一次黎」
 
「妳邊有資格黎呀?見客架嘛」
 
「咁你係咪客呀」
 
「喂，靜d啦，有客到~~~」
 
契媽拍一拍哥哥個頭
 
「死架你!!咁玩法嘅」




 
「得啦媽咪…唔玩啦」
 
我地校長都黎到，佢坐係婆婆對面連同訓導處老師同我班主任
 
校長一見到婆婆，就做出英華女校敬禮
 
「Miss孔」
 
然後到媽咪同契媽向校長敬禮
 
「大師姐妳好」「大師姐妳好」
 
「Christina，妳做左校長都唔錯，打理學校幾好」
 




「係….係Miss孔妳教我教得好」
 
「d細路點呀?」
 
「生哂小朋友囉，讀緊幼稚園部，日日係屋企好精神」
 
「應該冇我個女同孫女咁麻煩掛」
 
「婆婆話妳麻煩呀」「婆婆話妳麻煩呀」
 
「㗅……」「㗅……」
 
「好啦妳兩個」