我倆的緣份，於半世紀前已經開始: 見家長

「喂沙律!!!點呀?去渡蜜月呢?」
 
「渡乜鬼野蜜月丫」
 
「唔?佢冇同妳…咩?」
 
「真係冇呀，我同家琪姐姐同房架」
 
「咁忍得?」
 




「咁父母係到…一陣佢地入黎點算呀?」
 
「妳好失望?」
 
「又冇喎，拍拖冇耐就要同佢咩咩…」
 
「但係感情有冇進步過呀?」
 
「咁就一定有架啦，點會冇….」
 




「嫁得未呀?」
 
「邊得黎咁快呀!!!」
 
F.5下學期開始，功課同補課漸漸變多
 
而且自從上次joint school talent show之後，學校就知道左我同哥哥拍拖嘅事，於是，校方就提出要見家長嘅要求
 
當媽咪同婆婆知道要見家長果時，佢地都好唔明白
 




「慧思妳成績冇退步呀，仲係全班頭三名，點解要見家長呀!?」
 
「可能學校知道我拍緊拖掛…佢地經常要拍拖嘅同學去見家長」
 
「妳答學校，我地星期五去見妳訓導主任、班主任同校長」
 
「我地?」
 
「婆婆同妳媽咪仲有奶奶一齊去」
 
「下?!唔洗勞煩到婆婆妳呀?」
 
「哼!!我個寶貝孫女因為小事要俾人見家長，我就要睇下妳地真光有咩咁本事!皇仁都唔敢見浩翹家長，妳地學校竟然敢!?」
 
星期五嘅Lunch time，我地幾個同埋哥哥佢地係餐廳食飯




 
「唉….一陣要見家長呀……」
 
「其實拍拖者…唔洗要見家長呀?」
 
「係咪沙律妳得罪左訓導處d老姑婆呀?」
 
「咪係囉，差唔多全校老師都知妳有英華係背後撐腰架啦，一陣妳突然轉校嘅話，佢地點同高層交代呀」
 
「唉….唔知，見家長唔係問題，我以前都試過，不過今次婆婆都會黎….點算」
 
「孔…孔校長?」
 
我對住佢地點一點頭
 




「發生咩事呀?」
 
「婆婆話，屋企批准拍拖，學校邊有權阻止，佢要黎問清楚學校咩事」
 
「但係妳婆婆黎嘅話，會好大件事喎，妳諗下…英華女校校長、訓導主任一齊黎」
 
「係囉…恐怖雞一世同二世一齊黎…」
 
「係咁簡單就好囉…唉…」
 
「我媽咪都一齊黎呀…..」
 
「連…..連姨姨都黎呀?今次叫唔叫鴻門宴呀?」
 
「好彩佢地冇叫埋我學校d人黎咋…..」




 
「係喎Clodulf，點解你學校唔理你地?」
 
「點會理丫，又唔係影響校譽」
 
「一陣佢地幾點黎呀?」
 
「4點呀……」
 
「一陣我都會上黎啦，係媽咪要求」
 
「嘩….六國大封相」
 
成個下晝我都冇咩心機上堂，好彩係PE堂咋，如果係其他科就死….
 




終於到左放學時間，哥哥佢地學校早我地15分鐘放學，當時佢已經行到上黎。而其他同學就陪我係校門等婆婆同媽咪
 
「喂，妳地搞咩呀?幾班同學一齊係到睇戲?」
 
「唔係呀沙律，佢地全部都係黎支持妳架」
 
「支持我?」
 
「係呀!今次學校幾過份下，我地好多同學都好不滿，所以我地黎支持妳架」
 
3點55分，有一部8人車駛到，車頭上有一個英華女校嘅校徽，而果架車嘅車牌係「YING WAH」
 
嘩…..今次真係黎踩場啦