我倆的緣份，於半世紀前已經開始: 我第一隻戒指

去到日本迪士尼，我第一個玩嘅，當然係旋轉木馬啦
 
日本呢個木馬又真係靚過香港果個嘅
 
我坐係木馬到好開心，而哥哥就係我前邊幫我影相
 
然後我地去左玩怪獸公司，佢好似香港果個Antman game咁樣，不過呢到係搵燈照個位
 
係冬天，果然要去日本先好玩呢，靚靚嘅小鎮大街，我同哥哥兩個人影左好多相
 




係我地兩個獨處嘅時間，我搵左個比夠靚嘅地方，同佢手拖手企係到
 
「做咩呀傻妹」
 
「咁我要俾聖誕禮物你架嘛」
 
「咁妳肯揀我已經係最好啦」
 
「咩喎，咁我由細到大都Mark實你架啦……」
 




「咁妳想送咩俾我呢?」
 
我係背囊到拎出頸巾，再掛係佢條頸上邊
 
哥哥摸一摸之後
 
「妳織左好耐?」
 
「嗯…專登叫媽咪教我織架」
 




「我知呀」
 
「你點會知?我收得咁密」
 
「妳前排D手指成日貼哂膠布，好難唔知喎」
 
估唔到…佢又好細心咁留意我
 
「不過條頸巾好暖」
 
「真係?」
 
「緊係啦，我個思思織俾我架嘛」
 
「你呀，賣口乖」




 
「唔…妳而家俾左份禮物我，咁我都要俾返份妳啦」
 
「唔?係邊?」我睇佢份禮物唔會大份架啦，一定唔會係公仔
 
我就好似隻狗咁樣係咁搵，甚至用埋鼻黎聞，都係聞唔到我份禮物
 
「哈哈哈哈!!!!妳個傻妹係到聞咩呀?妳係狗咩」
 
「咁，無理由搵你個袋架嘛…」
 
哥哥摸一摸我個頭
 
「伸隻左手出黎丫」
 




「古古怪怪咁架」不過我照樣伸隻左手出黎俾佢
 
男仔送俾女仔嘅禮物不外乎果幾樣野者，公仔果D，仲有手飾
 
但係我見到嘅，竟然係一隻戒指
 
係哥哥幫我將隻戒指戴上去我隻左手中指果時，我D眼淚又流出黎啦
 
佢係我唔知道嘅情況之下，偷偷地買左隻戒指俾我，雖然只係一隻碎鑽戒指，不過我真係好鍾意
 
呢隻係我咁大個女第一隻男仔送俾我嘅戒指
 
「你…你幾時買架?」
 
「唔…同妳拍拖冇耐就買左」




 
「但係….你點知我隻手指size?」
 
「唔….我趁妳瞓覺果陣幫妳量」
 
我將個頭放係佢心口到轉，轉呀轉。哥哥就攬實我
 
「點呀傻妹，鍾唔鍾意呀?」
 
我係佢面前不停點頭，因為我已經喊到收唔到聲
 
“BOO~BOO~BOO~”晚上8點鐘，迪士尼開始放煙花啦
 
我地係煙花下果一吻，都錫左好耐
 




當晚我地返到酒店，都係冇野發生，因為今日太攰太攰
 
而且第二日仲要入海洋迪士尼
 
其實成個行程都唔會有任何機會俾哥哥同我親熱一下，因為D大人Plan好行程好密下
 
最開心果日，就係去輕井澤滑雪，因為果到仲有個outlet場