我倆的緣份，於半世紀前已經開始: 滑雪

「吼!!!!!你條羚羊!!!!!!」
 
「對唔住呀老婆….」
 
「你專登嘅!!!!你會唔識滑雪咩!!!」
 
「唔係…!請妳冷靜d先…」
 
「冷你老味!!!!你同我死入d雪入邊冷靜呀!!!!」





係滑雪場，daddy應該唔小心將媽咪拉低左跌係雪上邊
 
就係咁，daddy就俾媽咪埋左係d雪入邊
 
我地幾個細佬滑完雪後係到堆雪人，果日真係好凍下
 
「思思呀，妳凍唔凍呀?」
 
「唔?唔太呀，剛剛滑到熱熱地，而家黎堆雪人咪當休息下囉」
 




哥哥同我堆起左個雪人，幫佢整左眼耳口鼻，之後我地再黎一張自拍
 
「唔…今個聖誕節係中學最後一個啦」
 
「出年F.6咋喎」
 
「咁出年我地返得果幾個月學就要考試啦，而且出年D大人都話唔會去旅行…媽咪同契媽又有dse班…」
 
「所以我地咪要盡興d囉」
 




其實點盡興都好，點都唔夠一陣去outlet大掃貨咁盡興架啦，今日係女人天下，而聽日就係男入秋葉原之旅
 
我地堆好雪人之後，再次去滑雪
 
我同哥哥好快咁滑落黎，只係初級咋，將來我地技術好d，我一定會挑戰最高級
 
我地仍然唔敢挑戰中級，始終都係舊年先識滑雪，當我地滑過媽咪身邊果時，又見佢鬧緊daddy啦
 
「你呀!!!傻架咩!!!叫你跳入堆雪到就真係跳架!?」
 
「咁老婆妳叫我跳入去架嘛，我咪聽哂妳話囉」
 
媽咪聽到之後個樣好甜
 
「你呀…咁多年都係咁架，由我14歲同你拍拖到我嫁俾你，生埋慧思，你都咁聽我話」




 
「咁我唔聽妳話仲可以聽邊個話?」
 
媽咪個笑容愈來愈甜
 
「都係你最氹得我開心」
 
「唔係咁，點做妳老公呀」
 
「係啦係啦，知你最錫我啦」
 
然後daddy又好隻啄木鳥咁係媽咪塊面到啄啄啄
 
我同哥哥係佢地身邊慢慢欣賞，有時真係忍唔住笑
 




媽咪合埋雙眼係到享受俾daddy啄佢塊面好耐，終於，佢打開眼啦
 
「嘩!!!!!」媽咪一手推返daddy落d雪到再堆埋佢
 
「媽咪…唔洗咁怕羞喎」
 
「咩….咩怕羞呀?」
 
「明明就同daddy甜蜜緊，見到我地就推開daddy」
 
「妳….妳識d咩丫，去…去滑雪啦」
 
「夠鐘啦媽咪，我地係時間去outlet啦」
 
「咁…行啦」媽咪拖起daddy好快咁行左去