我倆的緣份，於半世紀前已經開始: 同房後的早餐

第二朝係餐廳內，我非常精神咁拎野食。家琪姐姐走到我身邊問我
 
「尋晚……有冇事呀?」
 
「冇事發生過呀，妳有呀?」
 
「去旅行喎，我同佢當然有啦，但係妳地真係冇事發生?」
 
「真係冇呀…」
 


「唔通….浩翹佢係…..有D…..病?」
 
我知道家琪姐姐講咩啦
 
「男人病?佢冇架」
 
「妳點知呀」
 
「咁…我同佢…Kiss果陣….我feel到有野頂住我嘅…..」
 


「但係佢咁怪嘅」
 
「可能…因為今次係家庭旅行掛，有父母係到始終唔好嘅」
 
「唔….都係嘅」
 
之後家琪姐姐打左個大交叉俾柏玲同柏瑩，然後我就見到浩揚哥哥收錢
 
原來…佢地幾個係到輸賭我同哥哥有冇….咩過
 


「黎黎黎，買得大贏得大呀喂，多謝各位老細呀」
 
我拎住早餐返埋去佢地到坐低
 
嘟長個咀
 
「做咩呀慧思，好唔開心咩」
 
「唔係呀….係唔係我唔夠吸引力呀」
 
「有可能嘅」浩揚哥哥邊數錢邊講
 
「喂!你咪咁話慧思得唔得呀」
 
「咁的確係丫嘛，黎到東京，當然係要入下SOD café架啦，係香港難得一試喎」


 
「SOD?咩黎架」
 
「SOD係一間成人影業公司，出哂名架啦」
 
「咁….關咩事」
 
「妳地D女仔唔明男人架啦」
 
今日行程，係去迪士尼，我地仲會住迪士尼酒店添(去咁多次旅行，轉酒店都係第一次)
 
我地部車慢慢由東京市郊un到去千葉(東京迪士尼唔係東京架!!果到已經係千葉)
 
今次應該係我第三次同哥哥黎東京迪士尼，第一次係小學6年班，第二次係F.2暑假，今次係第三次啦。不過今次我已經唔係佢妹妹啦，我係佢女朋友，雖然上兩次我都係同佢拖住手黎玩，但係今次感覺完全唔同。途中我緊緊地撓實佢隻手。
 


終於到左迪士尼啦，今次又係大人同細佬分開玩。而我地D細佬一開始就瘋狂玩遊戲
 
不過果兩個雄性生物就…….
 
「喂阿哥，睇果個….」
 
「邊到?」
 
「呢…..行緊過黎果兩個呢」
 
「喂喂，掂喎，喂浩翹，斜對面果兩個唔錯喎」
 
「唔….胸差少少」
 
佢地就真係兩兄弟黎架，明明兩個女朋友係到，仲可以四圍望女仔，激死我地


 
唔止佢地!!連契爺同daddy都係一樣
 
所以好快就見到媽咪同契媽扭佢地耳仔一幕出現
 
唯獨係翀契爺唔會四周圍望，佢仍然係雪晴契媽身邊行
 
「點解翀契爺可以咁乖唔望女仔嘅?」
 
「daddy?因為佢真係對其他女仔冇興趣囉」「daddy?因為佢真係對其他女仔冇興趣囉」
 
「下?有可能咩?」
 
「點會冇可能，媽咪F.2開始同daddy拍拖，期間只有鬧下交咁樣，冇其他女仔埋過daddy身架，媽咪就有其他男仔追過，但係媽咪都冇理過佢地」X2
 


「咁先係一個好男人嘛，家琪姐姐，妳覺得呢?」
 
「下?我呀?睇下無所謂嘅」
 
「即係妳批准浩揚哥哥睇其他女仔?」
 
「係呀，佢中學同我拍拖果時都成日係街望女仔架啦」