我倆的緣份，於半世紀前已經開始: 去日本浸溫泉?

我坐係課室到不停咁自己織頸巾，肥鴿同OV係到不停睇
 
「愛情嘅魔力真係大，沙律妳竟然學做一個女仔」
 
我面紅紅咁望實佢地兩個「咁…我係女仔黎架嘛….妳地咪笑我呀!妳地兩個嘅男朋友都係我介紹架」
 
「關妳咩事呀?!Vincent自己黎追我架」
 
「喂喂喂，咁個英華妹呢…而家已經知妳係邊個啦」
 


「Winnie?佢知呀」
 
「咁妳覺得佢仲會唔會痴實妳哥哥呢?」
 
「果日哥哥係佢面前承認左我地拍拖嘅事啦」
 
「妳果下一定好甜啦」
 
「有咩甜唔甜者….不過我都有d同情Winnie」
 


「做咩呀!?」
 
「佢一直以為自己可以同哥哥拍拖…點知哥哥鍾意果個係我」
 
「咁係咁架啦，唔通妳想讓愛呀?!」
 
「當然唔係啦!!」
 
「仲有呢….妳上次陣<幾分鐘的約會>呢，有咩意思架」
 


「哦~上次呀。媽咪話婆婆同公公係地鐵上識架嘛」
 
「估唔到妳婆婆又好浪漫喎」
 
「浪乜野漫丫，婆婆係爭輸果個，之後係地鐵站到喊。當時公公做警察守地鐵，婆婆係佢心口到喊，搞到公公件制服濕哂」
 
「下!?孔校長都會咁架?」
 
「妳地唔好睇婆婆同媽咪好似好堅強咁，其實佢地兩個都係個喊包黎架」
 
「真係?」
 
「媽咪係結婚果陣喊得最勁」
 
「咁妳daddy呢?」


 
「俾媽咪沒收私己錢果時」
 
「喂，沙律呀，妳同阿哥真係唔去ball呀?」
 
「唔去lu~」
 
「點解嘅?」
 
「唔太想去囉，我又唔想同d唔識嘅男仔跳舞」
 
「應該係話妳唔識跳舞」
 
「exactly!」
 


「不如我地教妳咪得囉」
 
「唔…..唔好啦」
 
「莫非妳地自己有節目?」
 
「其實…..聖誕節果排….我地幾家人一齊去日本旅行」
 
「即係，妳同Clodulf一齊去?!」
 
我怕怕羞羞咁點左下頭
 
「嘩!!!!!!!!!!妳地兩個會唔會去浸溫泉呀!!!!!!」
 
「日本d溫泉要除哂衫浸架喎!!!!!」


 
「妳曳啦沙律!!!!!!!!!!!」
 
「咩…咩呀!!!!我同Natalie姐姐一間房架!!!!!!!而且……我地揀d男女分開浸嘅地方黎浸…」
 
「講咩丫!一陣Clodulf阿哥實要妳換房」
 
「點….點解呀」
 
「佢地兩個成年人黎架啦，去旅行都會咩架啦」
 
「咁如果呢……妳會點呀?」
 
「咩…咩點呀…..唔知呀」
 


「沙律妳曳啦」
 
係屋企織呀織織呀織，終於織好條頸巾啦
 
當然我有拎俾媽咪過目一下
 
「妳個傻妹丫…又織得幾好喎」
 
「係媽咪妳教得好者」
 
「平安夜送俾浩翹呀?」
 
「唔係呀，我地都唔太想果晚係日本出街，咁多人又迫」
 
「一年一次都唔出去?」
 
「唔啦….」我望一望媽咪
 
「莫非…妳想同daddy二人世界?」
 
媽咪個樣都係瞞唔到野「即係…慧思呀…我同妳daddy好多年都冇….呀…」
 
好心佢地兩個40幾就唔好咁甜啦

「得啦得啦，我明架啦，妳放低錢俾我就得」
 
「仲有呀慧思」
 
「咩事呀?」
 
「去到日本呢…妳同浩翹會同房喎」
 
我聽到之後俾唔到反應媽咪
 
「我…我同哥哥同房?」
 
「係呀」
 
「不…不過….我地溫泉咪要….呀….」
 
「果到分開浸嘅」
 
「但係媽咪呀…..契爺契媽會唔會……」
 
「佢地又冇話唔俾，時代唔同架啦，總之呢，妳地小心d就得」
 
「哦……」