我倆的緣份，於半世紀前已經開始: 第一次步入皇仁

「唔?你聽日唔去圖書館?」
 
「係呀，聽日有友誼賽呀，所以要留係學校囉」
 
「你會落場比賽?」
 
「唔…我呢d二打六，可能落場獻下醜囉」
 
「但係你地約左邊間學校友賽呀?」
 




「喇沙呀…所以我地好大機會會輸」
 
「喇沙?佢地劍擊隊…..你咪會遇到Zack?」
 
「哦，Zack呀，我知佢邊個，係咪妳學友社d朋友呀?」
 
「唔…都係嘅」
 
「睇妳尷尷尬尬咁樣….佢追過妳呀?」
 




我點一點頭
 
「應該係仲追緊」
 
「唔…我地兩個又冇乜點公開出黎，冇所謂啦」
 
只不過係全世界都知嘅秘密咁解之嘛
 
「你果日，會係咩環節上場呀?」
 




「哦，我玩花劍架嘛」
 
「你呀…小心d呀….」
 
「妳好擔心我咩?」
 
我gut高腳錫左佢一下
 
「點會唔擔心你者，做你妹妹果時已經擔心啦，更何況而家做你女朋友」
 
哥哥點一點我個鼻
 
「放心啦，友誼賽者」
 
「都要小心架，一陣去唔到旅行就麻煩啦」




 
「咁聽日妳地自己溫書啦」
 
「嗯」
 
第二日放學，我好快執好d野
 
「唔?沙律妳今日唔去圖書館呀?」
 
「唔去呀，我落皇仁」
 
「做咩呀?Clodulf有事?」
 
「係呀，佢今日劍擊學會有友誼賽，所以我想…」
 




「哦~去支持下自己男朋友呀?」
 
「咁…好正常者」
 
「一齊去啦，我地點可以扔低個好姊妹架」
 
於是我地三個一齊行落皇仁
 
「佢地今日對手係咩學校呀?」
 
「喇沙呀」
 
「有問題?」
 
「唔….喇沙係劍擊強隊，哥哥呢班文弱書生都唔知會點」




 
「對自己男朋友有返d信心先得架」
 
「我一向對佢有信心架」
 
我地行到去皇仁門口裝下裝下，又唔好意思入去
 
「喂!Charlotte!!」
 
一把聲音叫住左我
 
「hi Zack，咁啱呀」
 
「我地今日黎比賽，入黎睇啦」
 




「下…….其實….」
 
「黎啦!!!」
 
我地三個就咁樣俾Zack邀請左入去皇仁(不過佢都好似係guest黎架喎)
 
入到去皇仁，個感覺已經好唔同
 
咁細嘅喂，同我地學校冇得比喎
 
不過呢間小小學校，卻係香港中學之首，入得黎讀書都係精英
 
「Charlotte妳地自己搵位坐丫，我搵同學陪妳地」
 
「阿zack呀，唔洗啦….我…哥哥係到讀，佢係劍擊隊…所以」
 
「oh~too bad~~」
 
呢條友嘅態度令我有d討厭佢
 
「沙律呀?我地而家去邊呀?」
 
「呀….去邊呀?喂!妳地男朋友都係到讀架喎…問我做咩呀」
 
「OV!!」
 
「Vincent!!!」
 
「妳地黎做咩呀?」
 
「今日Clodulf有比賽嘛，Charlotte咪要黎睇囉」
 
「哦~~~支持愛人呢?」
 
「咩…咩愛人喎」
 
「妳地去Winnie果邊先啦，幾個女仔一齊坐」
 
「Win…Winnie?英華果個?」
 
「係呀，放心喎，佢唔係黎搵Clodulf」
 
的確，我地見到Winnie一個女仔坐係到好尷尬咁，所以我地就去陪下佢