我倆的緣份，於半世紀前已經開始: 學織頸巾的我

聖誕節就到啦，今年第一次同哥哥拍拖過聖誕節，唔….點都要送D野俾佢嘅
 
我同肥鴿同OV係銅鑼灣D商場內左揀右揀，都未搵到野俾佢，應該係佢地先啱
 
「唔?沙律，妳老公唔黎陪妳嘅?」
 
「咩…咩老公呀…我都冇話嫁佢」
 
不過佢地咁講，我個心又甜一甜嘅
 




「但係好少見佢唔黎陪妳架喎」
 
「下?佢每個星期一、四同六都陪唔到我架啦」
 
「聽妳咁講又好似係喎，佢搞咩呀?」
 
「佢?咪劍擊學會練劍囉」
 
「下!?佢唔係蛀書蟲黎架咩!?」
 




「佢玩劍擊好怪咩….佢仲會打羽毛球架」
 
「咁佢打唔打籃球架?」
 
「佢都會架，佢同我daddy一樣，係三分射手，一著左火就停唔到架啦」
 
「真係估佢唔到喎」
 
「就係咁先煩，諗唔到送咩俾佢」
 




「妳有咩心水目標先，例如衫呀、鞋呀、錶呀果D呢」
 
我之前已經諗左送呢D，不過我見佢對呢D都冇咩要求，咁先係最麻煩
 
肥鴿個頭頂忽然叮左一下
 
「沙律妳不如整D手作俾佢囉」
 
「手作?即係點?」
 
「最簡單就當然係手繩果D啦，不過而家仲邊到會有人織手繩丫，而且仲係妳地第一個一齊過嘅聖誕節，咁浪漫，今年又好似比較凍喎」
 
「頸巾?!」
 
「exactly!!」肥鴿雙手指一指我




 
「織頸巾呀……唔…都得嘅…」
 
「不過妳識唔識織架?」
 
「咁….點都要試試先知嘅」
 
於是我地三個去左買冷同埋針，我地三個企係到揀野
 
「小妹妹，想要d咩呀?」
 
「呀….老闆，我想織頸巾架…」
 
「咩色?」
 




「深藍色丫唔該」
 
「等陣下….呢個時間都係妳地呢d小妹妹黎多…」
 
老闆拎左d冷同針俾我地
 
返到屋企我企係床到對住d野，無從入手
 
「㗅……」
 
我第一次對住冷同針係到出獅哮功
 
媽咪就係房外邊睇住我，應該係話恥笑我
 
「點呀慧思?唔識織呀?」




 
「㗅……」我連開針都唔識開……
 
「媽咪教教妳啦…」
 
媽咪首先幫我開左針，然後逐下逐下教我織
 
好出奇地，今次我好有耐性咁慢慢學
 
「慧思妳係咪唔舒服呀?」
 
「唔?唔係呀，做咩咁講呀?」
 
「平時妳做呢d野呢，妳總係好快就噴火咁樣。但係妳今日就乖乖地織頸巾」
 




「咁….織俾哥哥架嘛…..第一次織俾佢…」
 
我繼續織織復織織，唔織就唔識
 
「媽咪覺得好奇怪，點解妳仲叫佢哥哥?」
 
「下….叫左咁多年，改唔到口啦，媽咪妳自己都係者」
 
「但係妳好似好少同佢行街咁嘅?唔悶架咩?」
 
「唔…見到哥哥就唔悶架啦，就算同一齊溫書，我都好開心架」
 
「妳鍾意就得啦，總之唔好搞出事就得啦」
 
「知道啦媽咪」
 
「聖誕節我地去旅行喎，妳記唔記得?」
 
「呀!!!係喎!!!!要快d織先得」
 
「洗唔洗幫妳安排妳同浩翹同房?」
 
「傻…傻啦..邊洗呢…我同返Natalie姐姐一間房就得啦」
 
「我地三家人12個人一齊去旅行，係熱鬧d嘅」
 
「今次邊個渣車呀?」
 
「今次呢，妳契爺book左車，有司機幫我地渣」
 
「咁都好d，我幾驚係媽咪妳渣呀」
 
「我….我手車好渣咩!?」
 
「總唔會N波俾油掛」