我倆的緣份，於半世紀前已經開始: 多年前的承諾

「嗯?咩事?」
 
「浩翹你冇同阿女講咩?」
 
「冇呀」
 
Daddy指一指座大廈「呢到就係妳契爺細個屋企，當時佢地一家四口好開心」
 
Daddy好快咁車我地去另一座舊d嘅大廈，其實都唔算舊d架啦，不過做保養做得好好，所以仲係好好
 




「呢到呢，就係妳契爺爸爸媽媽屋企，雪凝妳地幾耐冇上過去呀?」
 
「均益仲租緊出去啦，珍珠閣個租客搬走左啦」
 
「兩間都留俾兩個仔呀?」
 
「可能我地搬返去住呢」
 
最驚果個係媽咪「點得架姐姐，冇左妳…我邊有飯食呀」
 




「咁樣呀…」
 
「珍珠閣咪留俾浩翹同慧思囉」
 
「媽…媽咪呀?妳10分鐘前先唔想我咁早嫁人……」
 
「我寧願妳嫁人都好過要我煮飯」
 
懶惰，亦都係一個遺傳黎
 




「係喎，慧思妳好似咁耐都未上過珍珠閣」
 
「咩呀!佢好細個咪上過囉」
 
「有咩媽咪?我唔記得啦」
 
契媽陰陰咀笑咁望住哥哥
 
「浩翹你仲記唔記得呀?」
 
「哦…..咁其實…都記得嘅」
 
哥哥好似好尷尬咁樣
 
「做咩事呀?你個樣咁嘅」




 
「慧思妳唔會記得架啦，果陣浩翹唔小心整到妳喊，妳契爺問佢要點做…..之後…haha」
 
「唔?發生咩事呀媽咪?」
 
契媽之後同我講
 
「果陣浩翹咪立即講，要娶妳做老婆囉，講到而家」
 
我地兩個面紅紅咁坐係車入邊，拖住手
 
原來，哥哥已經鍾意左我咁耐……係我對佢有意思之前已經係…
 
我地兩個一直拖住手上返屋企，直到我果層，哥哥好習慣咁跟埋我出電梯，不過佢俾契媽一手捉住
 




「呀…媽咪」
 
「得啦，你怕佢會俾怪獸食左咩，返屋企沖涼啦，你阿哥今晚返黎呀」
 
點知媽咪又幫住哥哥喎
 
「姐姐妳俾佢地兩個少少私人時間啦，算啦」
 
契媽睇一睇
 
「好啦，唔好搞咁夜呀」
 
Daddy媽咪入左屋之後，哥哥又錫左落黎我地
 
「唔…..你呀….」




 
「咩喎」
 
「媽咪呢….頭先俾左d野我呀」
 
「咩黎?俾我睇睇?」
 
我好尷尬咁拎盒護身靈藥出黎俾哥哥，佢見到時都面紅紅
 
「你….想唔想我….開始?」
 
「思思呀…其實呢…..」
 
我攬到佢實一實
 




「唔洗同我講，我知你唔會咁快問我拎嘅」
 
我同哥哥又一次係門口錫左陣先返屋企
 
返到入浴室，我又打開一包浴監，成個人浸落去
 
唔…今日嘅疲勞終於可以一次過掃走啦，所以我最鍾意浸浴缸
 
反正平時都係daddy清潔
 
同平時一樣，夜晚吹好頭，我總係瞓係床上同哥哥傾陣計先瞓
 
今晚，到daddy行入黎我房啦

「女呀」
 
「唔?咩事呀daddy?」
 
「daddy呢….唔會反對妳同浩翹拍拖嘅，不過呢….唔….即係…..呀…」
 
「得啦daddy，我知道要點做架啦」
 
「妳…洗唔洗要定護身符?」
 
我諗左好耐先諗到係咩黎
 
「都…都唔係我用呀!!!!」
 
「唔係…如果係嘅話，我幫妳同契爺講…」
 
「daddy你唔好講到我同哥哥一定會…..咩先得啦」
 
「咁好正常者」
 
「但係你講到契爺好似批發商咁派….套喎」
 
「哦~果陣係呀!佢F.3果年黎左個套黎做聖誕禮物交換呀」
 
講痴線，真係冇人夠契爺咁瘋狂