我倆的緣份，於半世紀前已經開始: 不可思議的daddy

「浩翹呀?你想你搬落黎定慧思搬上去呀?」
 
媽咪聽到立即睥到daddy實
 
「做…做咩呀豬西!?」
 
「你條羚羊傻左呀!?佢地兩個16歲咋!!你叫佢地同居?」
 
「咁….阿媽都話將慧思嫁俾浩翹啦」
 




「你…你傻左咩!!!咁快將個女嫁出去」
 
「16歲啦」
 
估唔到連契媽都係到鬧埋daddy一份
 
「阿熙呀，你咪再激詩敏啦，佢當慧思係寶黎架嘛」
 
「咁個女遲早要嫁人呢」
 




「都冇話咁早呀!!!!!」
 
「係囉阿熙…..」
 
「Jessie妳咪又係18歲果時接受阿風咁浪漫咁求婚」
 
契媽立時塊面紅一紅「喂….果陣….我同佢呢…即係咁….」
 
「妳當我唔知咩?妳地飛去大阪果時，拍左拖一個月，果時林醫生都話將妳嫁俾阿風啦，仲有喎，F.6下學期，妳都開始同阿風半同居啦」
 




下….乜契爺契媽果時….
 
「喂….果陣….家姐仲係到住架!!咩半同居…..詩敏果陣夠成日黎啦」
 
「咪係囉!!!你咪打橫黎講先得架，果陣有邊次唔係我同雪晴一齊上去過夜丫」
 
「Daddy呀…...唔好激媽咪啦….我同哥哥咁咪幾好…」
 
其實，我都唔想咁快離開媽咪。我由細細個開始，媽咪已經當我係寶貝咁睇，佢同我講過，婆婆係小產左三次先陀到佢，所以當媽咪一有左我，佢就好小心咁照顧自己
 
佢將所有心機都放哂係我身上，有好多家長因為只生一個，而迫個小朋友去精英教育
 
但係媽咪冇咁做，當初佢同daddy力排爺爺麻麻意見，唔送我去N班，唔俾我去上咩興趣班同咩幼稚園面試班，就係想好好俾我自由咁成長，好好保護我
 
我細細個到而家所上嘅興趣班，就只有鋼琴同游水




 
鋼琴係我煩住媽咪要學，而游水係我學校要我學
 
媽咪咁多年都冇安排過野俾我，所以我嘅童年好開心。我唔會俾佢夾硬迫我入英華讀書，媽咪將所有最好嘅野俾哂我，我點可以一句話嫁人就走左去架
 
「你睇下，個女都識諗過你呀!羚羊!」
 
「不過我間唔中上契媽到玩通宵都得嘅」
 
媽咪好快擰過黎
 
「妳講真?」
 
「咁….家姐佢係到架嘛….」
 




「慧思呀，妳認為浩翹會陪妳通宵咩?」
 
「呀….其實…」
 
「唔會」
 
哥哥真係拒絕得好快
 
我地部車經過荷蘭街果時，契媽自動自覺望一望上邊果座大廈
 
「雪凝姐姐，妳又諗返起F.6果時D野呀?」
 
「詩敏妳夠諗起細個D事啦」
 
我果時一舊飯咁樣