我倆的緣份，於半世紀前已經開始: 一齊回校

可能大家都玩得太攰太攰，好多同學一上車就係到瞓覺，車上傳來不少鼻鼾聲
 
雖然我係男仔頭，不過我瞓覺冇咩鼻鼾架，情報來自媽咪
 
部車返到出市區，好多同學都醒左，佢地又開始依嘩鬼叫啦
 
「妳地平時都係咁樣架?」
 
「係咪好失禮呀?」
 




「唔係丫，幾好玩呀」
 
佢地係後邊不停笑緊肥鴿
 
「Silvia妳就好啦!!!校草呀!!!!」 「係囉!!有冇問人拎電話呀?」
 
「你洗唔洗幫下肥鴿呀?」
 
「如果佢要，我會俾校草電話佢嘅」
 




我地部校車好快到學校，解散之後，我地兩個人一齊返屋企
 
不過返去之前呢，肥鴿叫停左我地
 
「Clodulf!」
 
「係!咩事?」
 
「我…我想….呀…」睇見肥鴿吞吞吐吐個樣真係好得意，而哥哥都估到佢想問咩，所以佢一手拎左肥鴿部電話
 




我睇住哥哥入左個電話號碼入鴿部電話到，然後俾返部電話佢
 
「幫到盡啦，拜拜」
 
我地兩個行返去搭地鐵時，我借故問哥哥
 
「你俾人地電話肥鴿，有冇問過人地架?」
 
「洗乜問，校草實冇問題架。妳放心啦，校草純過蒸餾水呀」
 
「唔…我信哂你架啦」
 
「係喎，聽日妳想幾點開始玩?」
 
「你想開門玩到夜晚呀?




 
「聽日係平日，應該冇咩人嘅，瞓醒先算啦，妳今日玩到咁攰」
 
我地兩個人一齊入Lift，一齊出lift，一齊入左翹哥哥屋企
 
各自沖好涼，我地兩個人就靜靜咁係房之中
 
我依舊瞓係翹哥哥張床上，而佢就返左浩揚哥哥間房到瞓
 
我同佢相隔一間房距離
 
諗返今日true or dare，其實….我算唔算同佢表白左呢?
 
「慧思，起身食飯啦」
 




「嗯?媽咪?而家幾點呀?」
 
「7點啦傻妹，起身食飯飲涼茶呀，妳地今日燒完野食」
 
我溫溫燉燉咁行出去，坐係哥哥隔離等食飯，然後…又瞓著左
 
「慧思…慧思!!」
 
「呀…係!!」
 
「妳地兩個好攰?等食飯都可以瞓著嘅?」
 
「呀…今日係比較攰嘅」
 
「媽咪呀，我同阿思聽晚唔係到食飯」




 
「唔?你地約左去街?」
 
「係呀，我地入迪士尼，玩埋Halloween先返呀」
 
「咁即係得我同姑姐兩個人食飯啦?」
 
「爸爸同姑丈聽晚咪返黎囉，四個人啱啱好夠腳丫」
 
「浩翹你真係聰明」
 
「姑姐聽晚贏多d啦」
 
「當然當然」
 




當我同媽咪食完飯，我就立即返入我自己間房係到襯衫
 
裙好定褲好?平底鞋?波鞋?涼鞋?點襯好?
 
不知不覺就係間房到襯左好耐，襯到連媽咪入左黎都唔知