我倆的緣份，於半世紀前已經開始: 行沙灘

現場好多同學已經笑到有腹肌、甩CON等等
 
「好啦沙律，今次又係true呀?」
 
「係啦!!!」我已經怕羞到用雙手悟面，已經唔想再面對佢地嘅問題
 
「嗯….沙律，咁妳鍾意果個男仔呢，妳鍾意左佢幾耐呀?我地俾兩個答案妳啦 A.10年 B.16年」
 
喂喂喂!!!!咁樣即係推我去死咋喎
 


「好啦沙律，可以揀啦」
 
「呀…….呀…….B啦….」
 
「Woo~16年」
 
「咁我媽咪話我一出世就痴實佢丫嘛….好….下round」
 
今次點都唔可以中我架啦……所以我好大力咁轉…轉呀轉……今次個樽停左係哥哥到
 


大家用一個好興奮嘅表情望實我地
 
「dare」哥哥好快揀左
 
「犀利呀Clodulf，果然係男仔呀」
 
「Clodulf你可唔可以，壁咚沙律呀?30秒?」
 
哥哥一起身，順手拖起埋我，帶我去到一邊
 


再伸手壁咚我
 
當時我心跳愈來愈快，塊面愈來愈紅
 
當佢地問哂佢地想知嘅野後，就放過我地
 
呢個咁恐怖嘅game終於完左啦
 
「喂，去唔去沙灘行下呀?」
 
「我同妳兩個?」
 
「唔得咩?兩兄妹一齊行下囉」
 
我地兩個人起身，向沙灘方向行過去


 
係沙灘上，我除左鞋襪，拉高褲腳係到行，而哥哥著boot關係，佢就可以涉水而行
 
我地兩個都係係到講返平時d無聊野，不過第一次同哥哥咁行沙灘，真係幾浪漫
 
「哥哥呀….有野想問你」
 
「咩事?」
 
「如果….出年DSE後，daddy送我去外國讀書嘅話…你…」
 
「妳問我意見?我總係覺得好架」
 
「但係…我同你咪冇得見面囉」
 


「咁妳會返香港架嘛」
 
「如果我去澳洲嘅話….就未必會返黎….你…會唔會….過去陪我?」
 
咁樣已經好明顯，話佢知可唔可以同我一齊生活
 
「好呀」
 
「好?真係?你會陪我?」
 
「我最多去澳洲讀醫科」
 
「但係讀完返香港做唔到醫生喎….」
 
「咁妳留係澳洲，我咪陪妳囉，係果邊行醫，有咩所謂?」


 
「然後呢?我幫你….生小朋友?」
 
哥哥聽到我咁講之後，諗左一陣
 
「到妳25歲冇人要先算啦」
 
喂呀!!!!!你係咪真係咁蠢呀!!!!!!
 
「差唔多回程啦喎，我孭妳返去沖下對腳啦」
 
我一聲唔該都冇就跳左上佢背後，佢孭我返去沖腳，呢個動作我地兩個試過不下數百次，由我小學開始，我就好鍾意跳上佢背後
 
我地校巴到果時，我地班主任先問哥哥
 


「Clodulf，你會唔會跟我地車返大坑?」
 
「我?」
 
「反正你都係等埋Charlotte先返屋企」
 
哥哥望一望佢班主任，對方示意冇問題
 
於是哥哥就上左我地部校巴，向佢d同學講拜拜。不過佢d同學都係向佢伸出最長嘅手指黎送佢走