我倆的緣份，於半世紀前已經開始: 婆婆的往事

「洗唔洗媽咪幫下妳?」
 
「媽咪?妳幾時入黎架?」
 
「妳個傻女係到掛住襯衫，媽咪入左黎都唔知啦」
 
「係咩…..」
 
我低頭怕怕羞羞咁樣
 




「妳聽日去迪士尼玩，當然著褲啦，著返對波鞋，跑快少少」
 
「真係?」
 
「媽咪邊有呃過妳?」
 
「唔…洗唔洗化妝?」
 
「妳試少少囉，拿…媽咪教下妳啦」
 




媽咪好用心咁教我呢個男仔頭化妝，估唔到我化起妝上黎都可以變靚女
 
「拿，慧思，世上冇醜嘅女仔，只有懶惰嘅女仔」
 
「估唔到我都可以變到同媽咪妳16歲果時一模一樣喎」
 
「妳傻架咩，妳係我生，係我個寶貝女黎架嘛，似我有咩出奇。總之妳聽日就開開心心咁玩，自然D就得」
 
「真係?」
 




「唔洗太緊張啦傻女」
 
「知道啦媽咪」
 
「講緊張，我比妳仲緊張啦」
 
「點解呀?有咩野會難到媽咪妳?」
 
「咪妳地同我地個聯校才藝表演囉，我同契媽俾班學生邀請上台表演」
 
睇黎今次才藝表演嘅花生指數上升啦，我咁大個女都未見過媽咪同契媽上台表演
 
「媽咪妳同契媽一齊表演咪得囉」
 
「我同妳契媽可以表演D咩?」




 
「妳地兩個唔係同雪晴姨姨表演過6手鋼琴咩?」
 
「嘩!!咁多年前嘅野妳仲拎出黎講?」
 
「黎啦媽咪，表演俾我睇啦，我真係未見過妳係台上表演呀」
 
「雪凝契媽仲話可以有得傾，但係雪晴姨姨睬妳先奇呀，佢咁多病人」
 
「表演俾我睇啦，黎啦，好啦」我又不停係到嗲媽咪
 
「一係咁，我表演都得，不過要妳幫手」
 
「我幫手?」
 




「我同妳一齊雙人單手鋼琴，最多媽咪唱埋歌」
 
「媽咪…得唔得架?」
 
「妳係恐怖雞嘅孫女，點解妳唔得?當年我同妳婆婆都試過一次」
 
「嘻，咁婆婆唱咩歌?婚紗背後?」
 
「妳真係好八掛呀衰妹」
 
「咁婆婆仲唱左咩歌呀?」
 
「妳婆婆唱左幾分鐘的約會」
 
「嘩….婆婆好叻喎，不過點解要唱呢首幾分鐘的約會嘅?」




 
「妳婆婆同公公係地鐵上邊識架嘛」
 
「點樣點樣，快D講我知」
 
「啦啦啦…唔好同婆婆講呀」
 
「知啦!!快D講啦」
 
「妳公公做入境處之前呢，係做警察，佢大妳婆婆兩年左右，當時佢守地鐵」
 
「之後呢?」
 
「老契爺同老契媽求婚之後呢，妳婆婆一個人呆下呆下咁係地鐵到喊，咁妳公公咪去問下婆婆咩事囉，點知妳婆婆攬實妳公公係到不停喊，搞到你公公成套制服濕哂。當公公知道妳婆婆D事，就放工送婆婆返屋企，之後第二日妳婆婆特登搭成日地鐵搵妳公公，為左同佢講多謝。之後佢地就識左啦」
 




「嘩…妳同婆婆都一樣咁浪漫嘅」
 
「妳係唔係聽架?」
 
「聽呀!!!」
 
「之後妳公公搵婆婆教英文，因為佢想升職，妳婆婆又唔想佢做警察，咁婆婆開左個條件俾公公」
 
「咩條件呀?」
 
「如果妳公公考到入境處幫辦，妳婆婆就立即嫁佢」
 
「最後公公又真係考到喎」
 
「咁當然啦，如果唔係邊有妳媽咪同妳呀?」
 
「但係公公知唔知婆婆同老契爺…」
 
「妳公公當然知，公公就係鍾意婆婆個人專一長情」
 
「然後就俾婆婆外表呃左，跌入呢個無盡深淵」
 
「嗯，無錯」
 
「咁妳地以前幫公公起咩綽號架?」
 
「妳公公?咪公雞囉」
 
「咁爸爸而家呢?」
 
「公雞二世」