我倆的緣份，於半世紀前已經開始: 沙律大改造

星期六嘅下晝，我地三個係銅鑼灣揀衫。肥鴿同OV不停將D衫同裙隊上我個身到襯
 
「要著裙呀?」
 
「喂妳女仔黎架嘛，當然要著裙啦」
 
老老實實，我升左中學之後，除左校裙同埋課外活動條制服裙之外，我真係冇咩著裙….呀….有嘅，我堂家姐結婚果時搵我做姊妹著過一次囉，果套伴娘裙仲係屋企
 
「喂!!唔好幫我揀太短嘅裙呀」
 




「冇問題!!!!」
 
佢地兩個幫我揀左條長裙、背心連身裙、平底鞋同埋高身少少嘅涼鞋之類
 
「化妝品!!!!!」OV好堅決咁講
 
「化妝品??唔洗呀!!!」我咁大個女只係化過一次妝
 
「BB cream都要架!!少少粉都要架!!」
 




於是佢地帶我去左間普通化妝品鋪，當我地準備入去果時，我今次遇上二家姐同三家姐
 
「慧思?妳係到做咩呀?」X2
 
「柏玲姐姐…柏瑩姐姐….」佢地兩姊妹感情真係好好，基本上佢地係一齊去街
 
「妳買化妝品呀!?」X2
 
「呀…係呀…」
 




「點解呀?」X2
 
「其實呀….我….」
 
「又係英華妹呀?」肥鴿係我耳邊問
 
「嗯….佢係雪晴姨姨對孖女」
 
「哦!~~即係妳表姑奶奶係唔係呀?」
 
「咦!!!妹妹!!!妳地都知道呀?!」X2 兩個姐姐表情非常興奮
 
「係呀姐姐，上次人地仲孭住沙律返屋企，幾甜呀」
 
「喂…喂呀!!」




 
「慧思呀，家姐幫妳揀啦，我地兩個有心得」X2
 
「姐姐妳地有心得?」
 
「當然啦」X2
 
兩個家姐幫我揀左d bb cream、美白、mask之類。然後我地去左飲野
 
「慧思，妳做咩突然咁進取呀?」X2
 
「進…進..進咩取呀?冇呀」我邊飲野邊逃避兩個姐姐眼神
 
「我話妳知啦姐姐」
 




「好呀鴿鴿」X2
 
肥鴿拍一拍OV膊頭「學期初呢，呢位同學睇中左Clodulf 」
 
「噢….」X2 兩個姐姐用三眼仔嘅叫聲叫左出黎，而OV就面紅紅耷低頭
 
「之後呢，沙律就好有義氣咁幫人，點知幫幫下先發現唔對路喎，咁我問下啦，原來佢呷醋呀」
 
「噢…慧思，妳呷醋呀?」X2
 
我繼續耷低頭逃避兩個姐姐
 
「之後呢，Clodulf拒絕左OV，而另一個男仔就追左佢，不過而家呢，沙律又呷其他女仔醋啦」
 
「浩翹又有女仔埋身啦?」X2




 
「係呀，又係佢屋企傳統呀，又係英華妹呀」
 
「hahahaha，又係英華妹，係咪姨媽果班架?」X2
 
「嗯…媽咪教佢地英文….」
 
「即係5D班囉，即係Winnie囉」X2
 
我耷低嘅頭好快遞高「姐姐妳地識佢?」
 
「Winnie Suen，孫嘉怡丫嘛，係英華好出名架。唱歌好聽，運動唔差，讀書又唔差，佢F.1入黎之前已經好多師姐Mark實佢，想佢加入校隊架啦」X2
 
我聽到Winnie d資料之後又諗返自己，除左讀書叫好少少之外，其他都唔太掂，仲係一個男仔頭咁
 




「即係Winnie係風頭躉?」
 
「話佢係Jessie+Jasmine+Joanne+Ivana+Karen混合體咁啦」X2
 
「咩…咩話…」
 
「係呀慧思，妳而家係向妳媽咪、我地媽咪同姨媽，仲有兩個契媽挑戰緊呀」X2
 
「喂…沙律….妳得唔得架….」
 
「點知喎…」
 
「不過呢….慧思呀，其實妳唔洗理對手係邊個丫，妳成功令浩翹鍾意妳咪得囉」X2
 
「咁易咩…」我又嘟長個咀
 
「大表姐有冇同妳講過…浩翹細個係好鍾意妳?」X2
 
「有…佢話要娶我做老婆…」
 
「佢而家仲有冇講丫?」X2
 
「嗯…」我點一點頭
 
「哈…都話媽咪冇講錯啦」X2
 
「雪晴姨姨講咩?」
 
「媽咪話呢，浩翹係似我地爸爸，一樣咁怕羞，當年要媽咪鬧佢，爸爸先肯同媽咪表白」X2
 
肥鴿聽到之後覺得好好笑「喂沙律，妳又話妳爸爸同兩個契爺係好兄弟，點解性格差咁遠嘅?」
 
「我點知d男人者…」
 
「總之慧思妳而家呢，就慢慢觀察啦，Winnie呢妳就唔洗理佢」X2
 
「點解呀?」
 
「浩翹係唔會鍾意Winnie架」X2