我倆的緣份，於半世紀前已經開始: 大姐姐的協助

「點呀慧思?家姐阿哥幫到盡啦」
 
「幫…幫咩呀….」
 
「妳鍾意我細佬，係人都知架啦」
 
「邊邊邊有呀」
 
「開始未呀?」
 


我擰一擰頭「佢個心都冇我」
 
「佢有女仔追咩?」
 
「嗯」
 
「英華妹黎架?」
 
「嗯….係契媽果班…媽咪教佢地英文」
 


「咁我幫妳打低佢啦」
 
「唔唔好呀家姐….翹哥哥佢唔鍾意架」
 
「呀…妳真係瞭解我細佬」
 
「有咩瞭解唔瞭解喎」
 
家姐摸一摸我個頭「放心啦傻妹，我細佬其實都應該鍾意妳，但係佢又細膽怕羞，似足我地姨丈」
 


「佢似翀契爺?」
 
「佢以前成日痴住阿姨同姨丈架嘛」
 
「其實我有D後悔唔入英華….」
 
「傻妹，妳真係想同我仲有玲玲瑩瑩一齊返學咩，仲有家琪呢，咁多人一齊係英華，妳媽咪實頭痛」
 
「但係翹哥哥有時又好似想揀返英華D女仔….」
 
「咁妳就更加要表明心意啦」
 
「心意呀?」
 
「頭先都錫左啦，前排仲係我地屋企過夜添，係唔係?」


 
「咁係我唔舒服者…」
 
「佢餵妳食藥呢?」
 
「嗯….」
 
「即係又錫左妳啦」
 
我點一點頭
 
「嗯」
 
「D大人未必知，但係我地呢班細嘅就個個都知妳一直鍾意我細佬，所以呢….」
 


家姐拍一拍我膊頭「我地兩姊弟同表妹會幫幫妳架啦」
 
「有咩?」
 
「妳唔記得….我地經常推浩翹去妳身邊咩?」
 
「咁係我同佢同年之嘛」
 
「錯啦，我地4個都知道妳鍾意浩翹，所以呢，我地會全力支持妳」
 
「但係家姐….」
 
「妳入黎英華…唔怕會好似婆婆同姑姐嘅結局咩」
 
「連妳都知?」


 
「女校男生呢個故事，我細個都聽過，只不過我同浩揚都係前排先知道，我地屋企同妳屋企之間嘅事」
 
「因為我地條鍊?」
 
「嗯，我地兩姊弟追問爸爸點解條鍊會俾左浩翹，之後媽咪先講哂我地知。我係女仔，唔可以繼承果條鍊。浩揚而家有家琪，所以浩揚唔可以要，因為我地視家琪係新抱。只有浩翹可以繼承，而且….佢細細個就話要娶妳，妳又話要嫁佢，妳唔記得?」
 
「我記得…」
 
呢個時候浩揚哥哥走到返黎
 
「喂，你兩兄弟玩夠未呀?」
 
「難得我返屋企，你又追打我」
 


「我打得你少添呀!!!!」
 
「喂，食唔食糖水呀?」
 
「糖水?家姐，思思同我仲食緊藥喎」
 
「俾藥我睇下啦」
 
浩揚哥哥睇一睇之後「唔怕啦，食完糖水再食藥囉，行啦」
 
「你呢個咩醫生黎架!!咁都得嘅」
 
「阿姑娘，麻煩妳聽醫生指示，帶隊去食糖水，請」
 
佢地三姊弟相處得好開心，呢個時候翹哥哥拖起我隻手
 
「喂!!!等埋我地呀!!!」