我倆的緣份，於半世紀前已經開始: 到訪

兩個姐姐走左之後，我地三個一齊拎野去我屋企
 
當佢地一打開我個衣櫃
 
「嘩!!沙律!!!妳d衫大部份都係t shirt同褲咋?仲要係剩色?」
 
「簡簡單單咪幾好」
 
「不過妳床上果隻Snoopy好可愛喎」
 


「果隻?哥哥送俾我架…我升中學果陣佢送俾我」
 
「晚晚攬住黎瞓呀?」
 
「嗯」
 
佢地兩個係我房到研究
 
「沙律妳真係好似妳媽咪，一樣咁靚」
 


「邊係呢….」
 
「唔….妳由細到大影相都係企Clodulf隔離喎，仲有好多張單人相喎」
 
「喂呀….」
 
「Charlotte妳開學時認妳鍾意人咪得囉，咁我咪唔洗同妳爭囉」
 
「唏，OV妳唔同佢爭，佢點知自己鍾意人者」
 


「但係….」
 
「啦…旅行日好好把握啦」
 
「唔知呀!!!!」
 
呢個時候，哥哥打電話黎
 
「做咩呀?」
 
「姑姐問妳返到未，一唔一齊食飯」
 
「嗯?我同阿鴿同OV係我屋企喎」
 
「叫埋佢地黎囉」


 
「哦…」
 
於是我帶埋佢地兩個上五層樓
 
「原來妳地真係咁近架咋?」
 
「嗯….妳地一陣唔好亂講野呀….」
 
「得啦」
 
 
“叮噹”應門嘅係媽咪
 
「Miss Cheung妳好….」肥鴿同OV異口同聲咁樣好乖咁叫媽咪


 
「乖啦，妳地唔係我學生，唔洗咁叫我，入黎先啦」
 
點解媽咪當左呢到係自己屋企咁?其實當初Daddy同媽咪點解揀由紀律部隊宿舍搬黎契爺契媽樓下係有原因，就係…….
 
唔!想!煮!飯!
 
媽咪知道契媽係果種鍾意返屋企煮飯嘅人，而媽咪唔係唔識煮，佢係懶同埋學校多野搞，所以契媽就永遠煮埋我地果份。最重要係，daddy要輪班，契爺又要經常飛，所以屋企附近有男仔係到會比較方便，所以浩揚哥哥同浩翹哥哥就負起照顧我地屋企責任。我地有冇俾返錢契媽?當然有啦!!!
 
而係一餐飯之中，可以睇到契媽果日係懶定唔懶。如果懶，我地索性打邊爐就算，唔懶，契媽就會捉埋媽咪去煮飯，不過邊個煮都好，碗都係浩翹哥哥洗
 
「係喎，Clodulf呢?」
 
「妳地想搵浩翹?佢係房呀」
 


「Miss Lam妳好」佢地兩個真係太有禮貌啦
 
「乖啦，妳地放鬆d啦，我同詩敏姨姨唔會食人喎」
 
「係姐姐!姐姐!」
 
「妳仲叫姐姐?」
 
「唔得咩?我平時都叫妳姐姐架啦」
 
「但係而家係d小朋友面前喎」
 
「我地行啦，我媽咪唔會認老架啦」
 
「我好老咩!!!」


 
「媽咪妳計下自己幾多歲啦，妳23歲嫁俾daddy，之後25歲生我，我而家….」
 
「好啦!!!!!」
 
「唔係丫，兩個姐姐同沙律妳好似姊妹呀」
 
「咁妳地即係話我老呀!!」
 
我地三個走去浩翹哥哥間房，一如以往，佢都係溫緊書