我倆的緣份，於半世紀前已經開始: 契媽對話

公公D藥真係好犀利，好快我就瞓到隻豬咁 (其實我平時都係瞓到隻豬咁)
 
當我打開眼時，已經係夜晚10點半，而我仍然係翹哥哥屋企
 
我行出廳去洗手間時，就見到雪凝契媽，一個可以將媽咪打低嘅女仔，我到今日先知道，媽咪有幾咁鍾意契爺。不過佢又唔係殺我全家，我冇理由要憎佢，而且當初契爺冇揀契媽的話，今日就唔會有我嘅存在
 
「慧思，妳好D未呀?」
 
「好左好多啦契媽，我都係返落去啦，唔好打搞翹哥哥」
 




「妳媽咪叫妳今晚係我地到瞓呀，妳唔好行黎行去啦」
 
「媽咪叫我留低?」
 
「係呀，佢頭先同妳Daddy上黎食飯時講架」
 
「佢地講果時係咪好開心呀?」
 
「呀…都有少少咁啦」
 




「佢地又想製造個細佬或者細妹俾我啦…真麻煩」
 
契媽聽到之後就係到笑「傻女，妳媽咪話左唔會再生就一定唔生，有妳一個就夠啦」
 
「但係我始終會嫁出去架嘛」
 
「妳媽咪又冇叫妳一世唔嫁，佢想妳嫁個妳自己鍾意嘅男仔」
 
「我自己鍾意呀…..唔……」
 




「有問題?」
 
「契媽…妳會唔會介意浩揚哥哥或者浩翹哥哥娶…..」
 
契媽聽到我咁樣問，就叫我坐低
 
「傻妹，我知道妳已經知道一D事，係唔係?」
 
「係…..」
 
「呢D事….係我地上兩代嘅事，妳唔好因為咁而亂決定知唔知?」
 
「但係契媽……」
 
「妳媽咪…仲係咪自己一個人係屋企果時…唱緊歌?」




 
「係…..」
 
「婚紗背後…同小城大事?」
 
「嗯…有時會唱鍾無艷…」
 
「唉….妳媽咪仲係咁傻….」
 
「但係佢同daddy好恩愛」
 
「我都知嘅……」
 
「契媽….我有件事好想問….」
 




「有咩事?」
 
「媽咪12歲果年…係唔係…同契爺….」
 
「係」
 
「點解契媽妳可以當冇事發生過?」
 
「因為….愛一個人，係唔會計較佢以前嘅事，仲會接納哂佢。當年我同妳契爺F.6果時…發生關係…我話過佢之前所有野我都會當冇事發生過，由果日開始佢要一心一意對我，佢做到」
 
「所以媽咪就….」
 
「妳媽咪係犧牲自己，親手放妳契爺走。因為我同妳契爺係4年級已經私訂終身，當時我9歲…佢10歲」
 
「點解媽咪要….」




 
「因為佢係真心真意愛妳契爺同妳daddy，妳媽咪…先係最偉大」
 
「契媽，咁妳一見到浩翹哥哥條鍊…」
 
「係…我知道…所以我先要妳同浩翹兩個諗清楚」
 
「哥哥佢…」
 
「佢比妳更早知道，不過佢仍然咁鍾意同妳玩，我問過佢點解，佢話我地大人嘅事唔關佢事」