我倆的緣份，於半世紀前已經開始: 講故事

其實我都唔係第一次係翹哥哥屋企沖涼瞓覺，但係今次我就好緊張，可能係因為我肯定左自己鍾意佢呢個事實
 
沖完涼坐係廳，佢幫我吹乾個頭後，就準備餵我就食一次藥
 
不過我真係好唔鍾意食藥(其實唔會有人鍾意食掛)
 
正正因為我同翹哥哥青梅竹馬，所以佢好清楚我唔鍾意食藥嘅性格。佢用返咁多年氹我食藥嘅方法去氹我
 
「好啦思思，打開口啦，食藥水啦」翹哥哥親自餵我食藥，但係我依然唔打開口，仲要用手掩實個咀，死不就範
 


「乖啦傻妹，妳唔食藥唔好架」
 
「唔……」我用一個埋怨眼神望過去
 
「乖啦，錫返妳啦」
 
聽到佢咁講，又知道佢又氹我食藥啦
 
「妳要食左藥先喎」
 


終於我輸左俾佢，鬆開掩住咀嘅手，然後打開口俾佢餵藥水同埋吞藥丸
 
幾經辛苦 (其實三分鐘都唔洗) 終於食到藥，翹哥哥收拾好哂D野之後就坐返入黎睇我肯瞓未
 
我望住佢，佢又望住我
 
「獎勵呢?」我扁扁咀對住佢
 
「妳仲係細路女咩?」
 


我拉一拉開自己件衫睇下入邊「都唔係嘅」
 
「快D休息下啦」佢正想起身之時，我捉實佢隻手，頭耷耷面紅紅咁樣
 
「陪下我啦好嘛?」
 
翹哥哥靜左一靜就坐左係床上，用手搭住我再拉我埋佢身邊。咁樣真係最好嘅藥，成間屋得我地兩個人
 
哥哥佢錫左我塊面一下
 
「仲有冇咁辛苦呀?」
 
我用雙手攬實佢 「冇呀，好左好多啦」
 
「妳咁大個女仲著公仔底褲嘅?」


 
「你做咩裝我裙底呀，死變態佬」
 
「妳頭先打針我睇到嘅，唔好講啦，快D瞓啦」
 
「陪我瞓一陣?」
 
「講故事妳聽就得」
 
「又係講三隻小豬?」
 
「妳仲想聽三隻豬點樣用計仔殺死隻狼?好血腥喎」
 
「冇人叫你講到咁核突架嘛」
 


「嗯…..講個真人真事故仔妳知丫…」
 
「關於咩嘅先」
 
「爸爸講我知嘅，係佢身邊嘅故事黎」
 
「好丫，我都想知契爺讀書果時D野」
 
「爸爸話呢個故事係由50年前講起….」
 
50年前?即係婆婆預科果年囉…唔通翹哥哥都知道…
 
「有個男仔考左入間女校入邊……」
 
翹哥哥開始講另一版本我聽，我愈聽就覺得愈熟，我可以肯定，佢講嘅，係契爺果邊嘅事。我甚至聽到….媽咪同契爺越界…


 
原來媽咪…12歲果年…俾婆婆趕出屋企，之後佢去左契爺到住
 
某一晚，佢地飲左酒，然後….媽咪做左大個女
 
「唔?個男仔咪好慘囉」
 
「唔係嘅，雖然佢娶嘅唔係佢最愛果個，但係…唔..點講呢。應該係話，佢同樣咁愛兩個女仔」
 
「咁佢都睇住其中一個嫁人」
 
「所以佢話過呢個故事未完」
 
「未完?點解呀?」
 


「因為….」翹哥哥望實我，我又望返實佢
 
「因為咩?」
 
「因為果個女仔生左個獨生女…個男仔又生左仔仔…所以…佢預計第三代會最終走埋一齊」
 
翹哥哥面紅紅咁望住我講
 
我低頭不語，佢暗示緊咩?契爺兩個仔，佢同浩揚哥哥其中一個會娶我呢個媽咪嘅獨生女?
 
「好啦，妳要瞓啦」
 
「嗯…」