我倆的緣份，於半世紀前已經開始: 傳染

契媽再坐一坐好
 
「浩翹唔會因為我地上一代嘅事，而鍾意妳，如果佢真係追妳嘅話就只有一個可能性，就係佢真心鍾意妳」
 
「契媽…..我….」
 
「妳鍾意浩翹係唔係?」
 
「嗯….」
 




「咁妳係真心鍾意佢嘅話，就唔好輸俾其他人啦，我會好似妳婆婆咁，保持中立」
 
「中立?」我一臉疑惑望住契媽
 
「妳以為浩翹唔識其他女仔咩?」
 
「佢有?」
 
「慧思妳唔記得左，我都係英華女校其中一個班主任，浩翹有時會去幫我手整野」
 




我背後一涼，我真係要同英華d女仔爭?全部都係婆婆、契媽同媽咪嘅師妹同學生
 
「點都好，妳地兩個乖乖地考好試先啦，不過我知道著校服拍拖真係好青春」
 
「知道啦…契媽…」
 
「洗個臉去瞓啦」
 
「知道」
 




第二日起身，我仍舊係到R頭，呢個都係媽咪遺傳俾我嘅習慣
 
去到廳到，已經見到媽咪同契媽仲有契爺食緊早餐
 
「慧思妳好D未呀?」
 
「好好多啦，呀…我冇校服…我返去換衫先」
 
「唔洗啦」
 
「唔洗?點解呀媽咪?」
 
「公公開左病假俾妳，妳就休息下啦」
 
「咁我都要返屋企架」




 
「慧思妳就幫我照顧下浩翹啦」
 
「翹哥哥?做咩呀?」
 
「佢而家病徵同妳一模一樣，應該係妳傳染左俾佢啦」
 
「下?佢病左?」
 
「係呀，妳一陣帶佢去睇醫生啦」
 
「係….知道」
 
「妳自己都要食藥呀」
 




「係…」
 
原來我傳染左翹哥哥，係咪尋日佢錫我果陣中招呢?
 
朝早公公嘅診所內，我地兩個又坐左係到，不過今次病嘅係翹哥哥。姑媽見到咁樣，又係不停咁鬧翹哥哥
 
「你呀!!!叫你平時照顧自己架啦，又唔聽姑媽講，睇下，而家病成咁啦，叫你照顧慧思就死啦」
 
「得啦得啦…..」
 
「你呀，似足你爸爸呀」(下刪五萬字)
 
終於翹哥哥都係打左針同拎左藥返屋企，但係佢耳仔就不停受到姑媽炮轟
 
今日我親自下廚幫哥哥煲粥，我用電話上網睇煲粥方法




 
「嗯…要咁樣…..好…」
 
我好快手咁煲左碗粥出黎，一向女子力係0嘅我，第一次煲到粥
 
翹哥哥試左第一啖之後，個樣有少少變左
 
「真係好難食呀?」我望佢時個樣好擔心
 
「妳第一次煲?」
 
「嗯」
 
「煲得唔差丫」翹哥哥係到誇獎我，其實我自己試過食一啖，真係幾難食下
 




但係翹哥哥竟然可以自己一個人食哂成煲咁難食嘅粥
 
「阿哥你傻左呀?食哂D粥」
 
「咁係妳用心機煲架嘛」
 
我聽到佢咁講，突然有眼淚流出黎。哥哥見到之後就嚇到彈起，手足無措。
 
「思思呀…妳…妳唔好喊住先啦，我….其實….我好鍾意食妳煮嘅野」
 
之後我喊得更加大聲，再攬實佢
 
「點解….你要咁讚我對我咁好」
 
「因為….妳唔記得左?我細個果時話要保護妳一生一世嘛」
 
「你真係會咁做?」