我倆的緣份，於半世紀前已經開始: 生病了

「慧思?妳今日係咪period到呀?」
 
「係呀公公…尋晚…..」
 
「公公，尋晚佢仲Fu被，又係我屋企食雪糕飲汽水，頭先仲係學校食左兩粒感冒藥」
 
「妳係咪自己食藥呀?」
 
「嗯….我今日全日都食成藥」
 


「問題好大…..阿怡，幫我打俾阿翀!!!」
 
「知道!!!」
 
一分鐘後，翀契爺聽左電話
 
「阿爸你搵我?」
 
「阿翀，幫我計下慧思會唔會OD，佢今日全日食左6粒樂信，而家Period緊」
 


「慧思妳係咪肯定食左6粒，仲有冇食其他藥?」
 
「冇啦契爺…係咁多咋」
 
「阿爸，慧思今日只可以食多一次flu zep 或者flu off，我建議可以打一針俾佢舒服少少先」
 
「得，我處理埋佢」
 
「慧思妳唔好再亂食藥啦」
 


「嗯….」
 
「浩翹，你抱慧思入去，我幫佢打針」
 
平時要我打針嘅話，我寧願食10幾種藥，因為我真係好怕打針，呢個係媽咪遺傳嘅。
 
不過今日我真係連叫唔好嘅力都冇，所以我就任由公公幫我打針，至少可以令自己舒服d先
 
「慧思，妳真係病得好嚴重下，今晚妳食碗粥好啦，然後沖涼休息」
 
「知道啦公公…..」
 
「一陣我會打俾詩敏同妳婆婆，妳返去早d休息，浩翹屋企有冇野煲粥俾慧思?」
 
「有呀，我一陣抱佢返我屋企就得」


 
翹哥哥真係好似佢所講，佢先抱我出返外邊等藥
 
過左陣我d藥就準備好哂
 
「浩翹，我陪你同慧思返去先」
 
「姑媽…但係公公咪少左個助護?」
 
「詩敏佢黎頂一頂我先，佢就快黎到」
 
「邊個詩敏先?」
 
「你家姐呀衰仔，一陣俾佢見到慧思病成咁，佢實鬧死你」
 


其實唔洗一陣，因為家姐已經黎到診所
 
「慧思?」
 
「家姐….唔好鬧翹哥哥….係我自己衰先嘅」
 
「得啦傻妹，姑媽陪妳地返去先，我係到頂一陣」
 
「家姐妳得唔得架…」
 
「我RN黎架醒目!!」
 
就係咁，翹哥哥就係姑媽陪伴下，同我一齊返到佢屋企
 
返到去，翹哥哥幫我除左鞋襪就放我係佢張床到，估唔到今日又再一次瞓係佢張床上


 
的確打左針係舒服好多，至少唔會想嘔先
 
過左陣姑媽就返診所，翹哥哥都煲好粥，佢仲慢慢餵我食
 
「小心呀，妳慢慢食…」
 
「嗯….知啦」
 
呢碗粥真係我食過最好食嘅粥黎
 
「妳食完就係到沖涼瞓下啦，食完藥會…..嘩….」
 
「嗯?咩事呀?」
 


「公公要妳休息，佢開左兩日病假俾妳，同埋幾隻好勁嘅藥，超眼瞓」
 
「食左會點?」
 
「大昏迷，所以今晚妳係到瞓啦」
 
「係係係到?同你孖鋪?」
 
「我返過阿哥房到瞓就得啦傻妹，去沖涼先啦」
 
「嗯…」