我倆的緣份，於半世紀前已經開始: 小情侶的誕生

午飯鐘響起，同時黑雨都轉為紅雨，所以我地好快咁衝去食飯先，因為直接放學啦。係餐廳內，我地同肥鴿係哥哥引領下坐埋一邊，耐心等待
 
「點解我地會坐埋一邊呀?」
 
「等陣啦，男女主角好快出現架啦」
 
「男女主角?」
 
「OV同Vincent呀」
 




「下?」
 
「Vincent約左OV食飯呀，兩個人，單對單」
 
「估唔到佢地又咁快手喎」
 
「當然啦，我地成班係到勃火，迫Vincent著緊d」
 
 十分鐘後，OV同Vincent入黎啦，佢地態度有d親暱喎
 




「喂，你同學唔會呃完OV就算架?」
 
「Vincent佢好男仔黎架，乜妳咁睇人架」
 
「車，你知你地d男仔架啦，氹完人入房就算架啦」
 
「咪嘈住先啦，你地睇下OV，個樣幾甜」
 
「呢D咪叫愛情滋潤囉」
 




慢慢…Vincent係檯底伸隻手去OV隻手到，愈來愈近，愈來愈近，終於….掂到啦，佢地拖起左手啦
 
「喂喂喂，拖起左啦佢地」
 
「我地過唔過去呀?」
 
「喂呀!!咪玩佢地啦，人地啱啱拍拖咋!!!」
 
「算啦算啦，唔玩佢地啦，食完野我地返去買餸啦」
 
不過最後我都係忍唔住走埋佢地到
 
「你呀!!!!好好地對OV呀!!!佢好女仔黎架，你蝦佢，我剪左你架!!!」我作狀用手指剪佢JJ
 
「下….係….知…知道啦程太」




 
「咩…咩程太呀!!!!剪你架」
 
「沙..沙律呀….er….」
 
「好啦，唔阻妳地兩個啦」
 
然後肥鴿又飛去佢地面前「做足安全措施喎」然後又飛走
 
我同翹哥哥去到屋企附近間超市買餸，一入去已經見到超市公司個主席個樣
 
<拿，黑雨啦，滿意啦?記得準時返工呀> 我立即諗起呢幅圖
 
「思思妳想食咩呀?」
 




「你肯定識整咩?」
 
「當然啦，我都有跟我媽咪學野嘅」
 
「車，契媽咪又係婆婆嘅門生」
 
「咁妳想食咩?」
 
「打邊爐!!!」
 
哥哥望實我
 
「妳….認真?」
 
「當然啦」




 
然後佢真係同我推住部車去同我買料
 
「估唔到OV咁快就搵到個男朋友，Vincent會唔會….貪OV係女仔咋?你地D男仔最鍾意….就問人地係唔係女仔….」
 
「放心啦傻妹，Vincent一定唔會只係貪OV果樣野」
 
「係先好講呀你!!」
 
「不過我又唔係佢地，我控制唔到架」
 
「你呀!你一定都係一樣嘅」
 
「下!!!咁正常拍拖都會有架….」
 




「咁你唔好同我拍拖啦，我唔係咁易俾人架」
 
死啦!!!我係到做緊咩呀!!!!