我倆的緣份，於半世紀前已經開始: 表白失敗

「我同OV??冇…冇事呀」
 
「冇事?咁你同學呢?快D講我地知啦」
 
「係囉!!!講啦」 一時間，哥哥再一次俾我班同學包圍住
 
「其實…妳地都估到架啦，唔洗我講」
 
「快D講啦!!!!」
 




「呀…..前幾日……我地係圖書館溫書果時，OV叫左我一個人埋一邊」
 
「之後呢?」
 
「呀….佢問我有冇….呀…..」
 
「咩呀?」
 
「問我有冇鍾意嘅女仔….」
 




肥鴿好似幫我助攻緊咁樣
 
「咁你點答呀?」
 
大家都好緊張翹哥哥會點講
 
「我答佢，我自己都唔知係咪鍾意佢者….」
 
「你識左果個女仔好耐?」
 




「嗯」翹哥哥好怕羞咁點左下頭
 
「之後OV呢?」
 
「佢咪話，可能有其他女仔都會適合我囉」
 
「之後你點答呀?」
 
「我…我咪話，暫時我仲未搵到有女仔比佢更適合我…」
 
「然後呢?」
 
「之後OV就好似眼濕濕咁返埋位」
 
「咁你同學做咩想搵OV?」




 
「哦…佢呀?er…….」
 
「講啦!!!!」
 
「佢一開始已經鍾意OV……」
 
「第一眼?」
 
「呀….係….其實幫OV係百佳拎野果個唔係我，係我同學」
 
「咁OV知唔知呀?」
 
「佢…..知掛，我話過我有其他同學比我更適合佢」
 




「所以你就順勢推你同學俾OV呢?」
 
「呀…係….」
 
「咁你仲有冇同學介紹俾我地呀?」
 
「冇…冇啦，我果班全部都好薯…..」
 
原來….OV已經俾翹哥哥拒絕左，肥鴿係我身邊推一推我
 
「睇黎妳連OV都解決左啦，妳冇哂對手啦」
 
「咩呀，妳冇聽到佢話有個女仔佢鍾意左好耐架咩」
 
「果個咪妳囉，信唔信?」




 
「唔會啦，如果係…我地早就拍左拖啦」
 
之後我地繼續自修課
 
睇黎個天都想哥哥留係我學校耐D，到而家都未有跡象想停雨
 
翹哥哥望住外邊，一臉苦惱
 
「阿哥你想返屋企?」
 
「唔係，諗緊其他野」
 
「諗咩呀?」
 




「今晚餐飯……我怕媽咪去買餸有危險」
 
「唔……我明白嘅，不過屋企冇餸留低咩?」
 
「有嘅….爸爸今晚唔返黎，家姐同阿哥又唔返，得我同妳、媽咪同埋姑姐食飯」
 
「唔?我今晚去你到食咩?」
 
「妳唔去我屋企仲可以去邊」
 
翹哥哥咁樣講法，搞到我又面紅紅咁樣，佢已經當我係佢屋企人一樣，咁樣…佢可能真係當我係佢親生妹妹咁睇
 
「思思妳今晚想食咩?」
 
「唔?做咩呀?」
 
「今晚我煮」
 
「今晚你煮飯俾我食?」
 
可能我真係太大聲，所以全班同一時間望過黎我地果邊

「我煮飯…好奇咩?」
 
「唔…唔係呀….」
 
可惡嘅肥鴿，又飛過黎潤一潤我
 
「哎唷，妳地兩個今晚返屋企玩煮飯仔呀?羨慕死人啦」
 
「妳都想黎呀?跟埋黎囉」
 
「傻啦，我點會阻妳地兩個二人世界者」
 
然後佢同我咬耳仔咁講
 
「記住做好安全措施呀」
 
我面紅紅咁拍返佢幾下「妳….咪傻啦!!!我又點會同佢….」
 
「米已成炊，生米煮成熟飯，掂呀!!!今晚同佢制服誘惑」
 
「妖!!!變態架妳!!!」