我倆的緣份，於半世紀前已經開始: 契媽的心思

「慧思?做咩睇浩翹睇到咁入神?」
 
「契媽?冇呀….哥哥渣飛機個樣真係好似契爺」
 
「似呢?但係我又唔太想佢去做飛機師」
 
「點解嘅?」
 
「妳契爺一畢業就飛黎飛去，有時美國澳洲，之後又歐洲，我同佢其實相處時間唔太多，可以嘅話我想浩翹同佢太太將來可以相處多D」
 




「但係…我聽媽咪講，契媽妳同契爺一直相處好好架」
 
「傻女，唔通同人講自己同老公相處唔好咩。我地剛結婚果時，妳契爺仲要不停飛，儲時數升職，到妳家姐出世，佢就升左副機長，果時又要儲鐘。到浩翹出世，佢又升做高級副機長，我三次入產房，佢都係剛剛落機趕到醫院」
 
「哥哥…佢唔係想做醫生咩?」
 
「佢兩兄弟都想做醫生，浩揚係受公公感染，而浩翹就係果次瀕臨死亡體驗後，想做急症室醫生，慧思妳呢?妳揀好未?」
 
我搖搖頭
 




「未呀契媽，媽咪話我語言天分好，可以去讀語言系或者歷史系，但….我又怕前途一般」
 
「其實最緊要係自己鍾意讀，唔好迫自己讀D唔鍾意科目」
 
「嗯…我知道啦」
 
「慧思，妳最近經常同浩翹出雙入對?」
 
我面紅紅咁答契媽
 




「係呀….我地放學一齊去溫書」
 
「咁都好嘅，可以互相支持下，不過妳應該知道我想問嘅唔係呢D」
 
雪凝契媽不愧係英華女校連續7年模範生加全級第一，佢嘅觀察力真係一流
 
「契媽…其實呢…」
 
「早幾年，我都叫浩翹跟埋妳車一齊返學，佢又話唔肯，但係而家就主動係樓下，去妳屋企等妳，契媽我有眼睇到嘅。而且….」
 
「仲有咩呀契媽?」
 
「妳媽咪已經傳左條鍊俾妳啦，係唔係?」
 
「係…」




 
「咁妳都應該知道，條鍊係我老爺學生時代訂俾妳婆婆」
 
「嗯…」
 
「呢D可能真係命運……到最後兩條鍊都可能會拼返埋一齊」
 
「但係契媽…..」
 
「有問題?」
 
「我有打算者….不過阿哥佢就…..」我低頭咁樣，雙眼唔敢直視契媽
 
「慧思妳望住我丫」
 




「係….」契媽細心觀察我
 
「妳直係愈大愈似妳媽咪同婆婆」
 
「似媽咪咁勺蠻?」
 
「haha，邊係呢，妳愈大愈靚女，愈來愈似16歲嘅媽咪同奶奶」
 
「邊係呢，我見過媽咪同婆婆學生張相，真係好靚女，而我只不過係平庸」
 
「但係，我個仔就係鍾意d平庸嘅女仔，唔想咁出風頭」
 
契媽咁講，會唔會暗示緊，哥哥對我都係有意思?