我倆的緣份，於半世紀前已經開始: 媽媽&契媽

「但係契媽…..其實我知道….妳同媽咪以前曾經….」
 
「曾經係英華入邊爭男朋友嘛，我地係呀，不過唔會做得太出面。唔止妳媽咪，我妹妹雪晴姨姨仲同妳媽咪聯手想爭贏我，之後佢地兩個自己再爭」
 
咩話，雪晴姨姨想搶佢家姐男朋友?咁真係好睇過師奶爭產劇囉
 
「不過最後，大家都搵到自己嘅歸縮，開開心心」
 
「契媽呀…係咪應該只係媽咪同雪晴姨姨開心咋?爸爸同翀契爺有邊日係唔俾自己老婆鬧?」
 




「妳媽咪同雪晴又係嘅，成日鬧個老公做咩呢?由中學鬧到大學，到而家仔大女大都仲鬧緊」
 
「係佢地鍾意俾人鬧者…」
 
「咁慧思將來妳會唔會鬧浩翹?」
 
契媽突然間爆出呢一句，我俾唔到答案佢
 
「將…將來呀?即係咁囉契媽….暫時我地呢…都係…呀…」
 




「妳媽咪講左俾我知啦」
 
「媽咪講嘅?」
 
「早排食飯果陣，佢對我講…..」
 
===================================================================/
 
「阿嫂….有d野妳一定要知」
 




「妳同我老公仲有咩我係要知架?除左Hall果單啦; 妳要佢買頸巾啦; 要佢買戒指啦; 佢係妳屋企瀨尿啦; 爆住褲返屋企啦; 上完PE堂可以唔見左一隻鞋啦，仲有咩呀? 」
 
「今次唔係關於阿哥架…..」
 
「詩敏妳又有左呀?」
 
「邊…邊係呢!!!有慧思一個就夠啦，呢個女咁麻煩，要我再生嘅話我實剪左條羚羊條J呀」
 
「咁係咩事呀?」
 
「妳知道….媽咪同契爺細個嘅事啦…」
 
「老爺同奶奶又真係幾浪漫嘅……」
 
「阿嫂妳都知道我12歲到14歲果幾年同阿哥….」




 
「妳就仲犀利添啦，要咁多人照顧妳，好彩慧思乖乖地」
 
「今次….又再出現左啦」
 
「慧思?」
 
「嗯…」
 
「同浩翹?」
 
「嗯……只不過今次係兩個都有份，慧思好細個就要話嫁俾浩翹，做佢新娘子」
 
「而浩翹細細個都話想娶慧思做老婆」雪凝姐姐望住我講
 




「嗯…估唔到有第三對出現」
 
「上次奶奶打俾我果時我都知道啦，如果兩個細路行埋一齊，我係唔會反對」
 
「姐姐妳唔反對?果個係我個女喎」
 
「咁我個女都係叫詩敏Jasmine啦，有咩所謂」
 
「姐姐妳唔會迫浩翹娶慧思呀?」
 
「呢個問題要問返妳同妳阿哥啦，妳地先係條鍊嘅嫡系傳人」
 
「哈哈，個傻女而家仲話介紹同學俾浩翹識」
 
「然後又自己呷醋?」




 
「個傻妹實會，然後好似姐姐妳運動會果晚係公園呷哂醋咁樣」
 
「邊個講妳知架!?!?」
 
「阿哥囉，佢果陣分開幾集咁樣講架啦」
 
「我今日返去剪佢條J落黎煲湯拎去餵狗!!!」