我倆的緣份，於半世紀前已經開始: 二人一遮

放學行緊落去中央果時，刮起大風，而且個天仲好暗
 
「個天咁暗，好似想落雨咁樣」
 
「沙律妳有冇帶遮?」
 
「我當然有啦，不過唔知哥哥有冇帶」
 
「妳睇下妳丫，真係掛住人就得」
 


「不過佢都好似唔當我係一回事咁」
 
「慢慢黎啦，可能佢仲未準備好呢」
 
「其實…我係怕OV多少少…」
 
「唉，咁又係呀，OV好似志在必得咁樣」
 
「我又唔想俾人話搶人男朋友…」
 


「咁佢地都未拍拖，大家競爭者」
 
「但係問題….大家都知道OV係鍾意我哥哥，如果我而家先介入…」
 
「總之呢，佢地一日未拍拖，妳都唔叫搶人男朋友」
 
去到圖書館，翹哥哥同幾個同學已經搵到位，而且仲好瘋狂咁做緊卷
 
OV比我地早少少到，我走埋去哥哥身邊，將我下巴放係佢膊頭上
 


「有冇掛住我?」
 
「嗯?思思?當然有啦」
 
我搣一搣佢個鼻「算你啦，你快D溫書先啦」
 
翹哥哥溫書果時真係可以好專心好專心，突然間”啪!!!”
 
係一大個雷，而外邊就落起大雨，冇帶遮嘅人非常狼狽
 
「呀…..思思妳有冇帶遮呀?」
 
「我?有呀，做咩呀?你冇帶咩?」
 
「冇呀，不過咁大雨，有遮都一定冇用」


 
真係俾翹哥哥講中，大雨到有遮都冇用
 
終於等到細雨少少果時，我地就把握時間返屋企
 
不過一係堅尼地城出閘之後，又開始落大雨
 
「呀…估唔到返到黎先落大雨」
 
「行啦，趁未落超大雨」
 
翹哥哥擔起我把遮，我地一齊行返屋企。不過佢將把遮完全移向我，佢自己有半邊係濕到透哂
 
我地一到樓下大堂，我就立即拎紙巾俾佢抹身
 


「你呀，濕哂啦，小心凍親呀」
 
「咁要照顧妳嘛」
 
「一陣你病左，你點照顧我呀?」
 
翹哥哥高我一個頭，我抬頭望佢果時，發現佢係面紅紅
 
我地搭完電梯，再行上我地果座再上樓。今日唔同嘅係，我直接上翹哥哥屋企
 
因為今晚媽咪有事做，所以我就上翹哥哥屋企食飯
 
一打開門，就已經聞到雪凝契媽煮飯嘅香氣，而風契爺就坐係廳到進行緊模擬飛行
 
「契爺契媽」


 
「啊，慧思，有冇濕到呀?」
 
「冇呀，不過阿哥濕哂之嘛」
 
「妳入房換衫先啦」
 
「知道!!」
 
其實我係有幾套衫同拖鞋放左係翹哥哥屋企，我換好衫之後出到廳，係飛行模擬器上已經換左翹哥哥
 
「Control Tower, CX 123 taxiing , go, V1, take off」
 
翹哥哥好似契爺咁，將模擬飛機帶上天空，契爺係哥哥身邊不停指點
 


「黃金T字，係，10秒望一次，望窗」
 
哥哥專心渣飛機果個樣，真係同契爺一樣，如果哥哥去渣埋飛機嘅話，佢會點呢?