我倆的緣份，於半世紀前已經開始: 直昇機

零散碎片開始係我腦中重組，當時係小學5年級左右。翹哥哥細個身體係好差，佢係僅僅足月出世，如果早一日的話，佢就算係早產。
 
聽媽咪講返，如果唔係契爺聰明揀公立醫院，翹哥哥可能捱唔過頭幾個月，佢一出世果日就推左去NICU到住，香港只有公立醫院先有齊所有儀器，而且雪凝契媽個爸爸，係醫院識唔少新生兒科醫生，所以有好多唔同嘅專科醫生去為哥哥檢查，佢出院返屋企後，仲要經常返醫院覆診，所以初初出世果一年，佢真係一個月出入醫院幾次
 
去到小學時代，佢讀男校，其他同學比較活躍，但係佢次次都自己坐埋一邊唔上運動堂，唔係因為佢唔想玩，而係佢知道自己有哮喘，唔可以做運動
 
不過好彩，3年級果時醫院話佢好返哂，可以做運動。但係佢5年級果時，佢真係差D冇命
 
果日係佢地學校旅行日，佢好似平常咁一大班男仔周圍玩，結果有個同學唔知噴左D野，而哥哥塊面中哂招，之後佢好快就氣管收縮倒地。
 




當時老師見到就非常緊張，立即係佢書包拎藥俾佢吸，不過冇效。另一方面老師打電話俾佢公公，而公公嘅指示係立即送院。
 
哥哥好彩嘅係，當時有消防車經過，佢一班同學同老師立即叫停佢地。但係D消防員一去到哥哥身邊就立即叫直昇機黎，因為佢塊面開始變色，同時哥哥第一次俾人做人工呼吸。5分鐘後直昇機黎到，將哥哥吊起直送醫院，而當時機上係有飛行醫生，哥哥係咁好彩之下先執返條命。所以如果佢話想做醫生嘅話，佢一定會做急症室醫生同埋飛行醫生
 
翹哥哥想做醫生……可惜我讀文科……我做唔到護士陪佢
 
「慧思，今日同哥哥睇完戲呀?」
 
「嗯…係呀」
 




「做咩又心事重重咁呀?同佢玩得唔開心咩」
 
「唔係呀媽咪….我諗緊出年大學揀咩科」
 
「妳語言能力叻過我，妳唔揀語言系?」
 
「都可以嘅….不過哥哥佢….」
 
「浩翹想揀咩科?」
 




「佢應該同浩揚哥哥一樣，揀醫科」
 
「以佢能力一定得嘅」
 
「其實媽咪….我想揀護理系….」
 
「妳想做護士咩?」
 
「我…我想陪住哥哥…」
 
媽咪聽到之後就係到大笑
 
「媽咪呀….妳做咩笑我喎」
 
「傻女呀，醫生係唔會娶護士架」




 
「點解呀?」
 
「妳諗下，醫生同護士都要輪班，仲要加班，兩個都做醫護界，咪好少見面囉」
 
媽咪咁講都有道理
 
「媽咪知妳鍾意History，妳揀歷史系都冇問題，媽咪唔迫妳讀咩財經呀之類，妳讀得開心就得」
 
「唔……」
 
「唔好為左想見浩翹就迫自己讀唔鍾意嘅科目知唔知?」
 
「知道啦媽咪」
 




「今日開唔開心呀?」
 
「今日呀…..睇戲撞到浩揚哥哥同家琪姐姐」
 
「佢地見到妳地係咪好驚訝呢?」
 
「少少咁啦，之後我地去左飲野之嘛」
 
「咁妳同浩翹開始拍拖未?」
 
「未呀….邊有拍拖….佢好似唔知咁」
 
「慢慢黎啦慧思，唔洗心急架」
 
「知啦媽咪」





星期一返到學校，我就同肥鴿傾下旅行去邊到好
 
「下!!!!!班Queen屎仔同我地同一日旅行呀?!」
 
「係呀，佢地又係自己揀目的地」
 
「咁妳想唔想……同佢一齊去?」
 
「嗯……妳話呢?」
 
「妳當然想啦，但妳怕唔怕隔離班又會跟住去呀?」
 
「咁我都冇辦法架」
 




「好啦!!我一陣就提議去….石澳啦，有得玩沙灘」
 
係班主任堂之上，我地決定左去石澳，我立即同翹哥哥講旅行日我地去石澳，而係同一日，佢地都決定去石澳旅行