我倆的緣份，於半世紀前已經開始: 醫科

同浩揚哥哥Nat姐姐分開之後，我地兩個係尖沙咀海邊慢慢行
 
「乜你想讀醫科咩?冇聽你講過嘅?」
 
「考慮過囉，不過都未定……」
 
「醫生好辛苦喎，你怕唔怕架，又要輪班之類」
 
「唔….其實拯救生命係好有意思，如果我做唔到醫生，我就想一直讀落去，做埋博士」
 




「做咩咁有大志呀?」
 
「我….想研究點樣去消滅癌症」
 
「因為你爺爺麻麻?」
 
「係呀，我連見都冇見過佢地，聽爸爸講，爺爺教識佢好多野，教識爸爸有耐性」
 
「點樣教契爺有耐性?」
 




「爺爺帶爸爸去釣魚，訓練佢耐性」
 
「你唔洗訓練啦，你做乜都有耐性」
 
「真係咩?」
 
「你教我數學果時，唔嫌我蠢，慢慢教我已經係最好證明啦」
 
係海邊散步真係幾浪漫嘅，我地兩個冇拖手冇撓手咁行，係我腦，有個問題好想問佢
 




「你…會唔會追OV?」
 
「做咩無啦啦咁問呀?」
 
「咁如果你唔想同佢發展…你就早D同佢講嘛，無謂要人地一廂情願丫」
 
「其實….OV佢唔係唔好，佢讀書唔差，又靚女，又聰明」
 
聽到翹哥哥咁樣讚OV，我又開始呷醋
 
「係架，OV係好好架，佢之前都有人追架」
 
「我地嘅思思豬夠有人追啦，唔洗羨慕喎」
 
「學友社果D?對佢地一D興趣都冇啦」




 
「咁妳鍾意邊D男仔?我幫妳係學校搵?」
 
「我鍾意你……………….呢款男仔」
 
呢句話我講到一半果時，哥哥塊面好紅，其實我塊面都應該好紅
 
「我呢款書蟲有咩好?」
 
「咁你問下雪晴姨姨，翀契爺有咩好，點解佢可以F.2就同人拍拖直到結婚」
 
「呵呵，細姨同姨丈呀?媽咪話佢地一個願打一個願捱，所以咪可以維持咁耐囉」
 
「咁即係我要搵一個願意俾我打嘅男仔…唔唔…」
 




「要唔要我介紹?」
 
「唔洗呀」
 
「妳地班真光妹幾時旅行日呀?」
 
「唔……好似10月20號，你地班Queen屎仔呢?」
 
「同妳地一樣，妳地班會去邊?」
 
「唔…未定呀，都應該係沙灘bbq果d，你地呢?」
 
「今年我地自己投票，所以我睇下妳地去邊，我就去邊」
 
「咁我星期一同肥鴿傾下先」




 
行到差唔多時間，我地兩個大食兄妹走左去食SABUSABU，點解我地兩個係大食兄妹?
因為我地兩個都係好食得又好瞓得，但係我地兩個都係食極唔肥，呢樣野係媽咪遺傳俾我架，大家唔洗羨慕
 
原來翹哥哥想做醫生，點解呢…點解呢….明明佢成日話佢公公開診所好忙想佢休息多d。係屋企書櫃入邊，我見到有一本好舊嘅書，書名係<生命邊緣的守衛者 急症醫護最前線>
 
我拎出黎睇睇，原來係講急症室醫生點樣救人嘅事
 
急症室…急症室….直升機…