我以為自己要孤獨一世，直到你出現: 笫八十章-塵埃落定

我地番到Cindy屋企之後，我先坐咗係沙發上面諗住攤抖下，而Cindy係個行李篋面前跪低諗住打開個篋

「我黎啦！」我見到佢跪低，就即刻起身走去Cindy身邊扶佢起身，再坐好係梳化。Cindy成日都唔記得咗自己大肚咗咁，仲係四周圍走

「呀～」終於執完啦，有得抖下啦

「呀賢，你坐低呀～」Cindy拍一拍張沙發示意我

「有咩事呀？」Cindy個樣好認真，唔知有咩事呢？



「乜你唔想知道我係美國同Bryant既事？」又會咁突然嘅？唔通係想試吓我對佢嘅信任？

雖然我淨係知道點解我會聯絡唔到佢，但係如果我答想知的話，咁樣咪好似唔信Cindy囉，但係佢咁樣講一講，我既好奇心又出咗黎

「其實件事係咁樣架～」正當我想拒絕既時候，Cindy已經沖口而出

Cindy就一直係咁講佢係美國嘅事，佢一路講一路望住我，眼都冇眨過，而且講野井井有條，完全唔似大話～

佢講完之後，我用咗一少少時間去整理番成件事既經過，成件事都冇出入，聽完之後令到我更加安心，知道Cindy心目中只有我一個～



「咁你呢？有冇野瞞住我呀？」Cindy突然之間擰轉望到我實一實，唔通係我昏迷期間，佢知道咗我同Chris之前既事.....

「Um....」我究竟要點樣答先可以安全呢，如果Cindy唔知但我又講咗，咁咪隨時一屍兩命

「咁你可唔可以答我，我係你邊個？」Cindy突然轉移話題，搞到我個腦都有啲轉唔切

「仲洗講嘅，梗係女朋友啦」Cindy聽完之後對眼向上返左一下白眼，個樣仲好似有啲唔耐煩

「仲女朋友？有埋BB啦！點解唔係老婆呀？」Cindy嬲爆爆咁講，又係喎我一時醒唔起添.....



「唔好嬲啦，老婆仔，唔好動胎氣呀」我即刻係側邊攬住佢，面貼面，隻手摸住佢個肚哄番佢

「夫妻應該坦誠相對架！咁你肯講未呀？」Cindy既語氣開始變得認真，我終於意識到我冇得再隱瞞啦，始終我都要比佢知道我同Chris既事，而且學佢話齋夫妻係坦誠相對，冇野呃對方既

而且係我昏迷期間， Chris都黎過探我，咁Cindy一定見過Chris，以佢咁聰明應該都估Chris同我既關係一定唔係普通同事或者朋友

「um....講啦講啦！」死就死啦，點都要面對返

我將同Chris發生既一切話晒比Cindy知一件不漏。Cindy一聽到之後一臉震驚，就好似唔敢相信咁

「你比少少時間我去消化一下」Cindy聽完之後，一時未有反應

其實都正常既，咁戲劇性嘅故一時之間都好難完全消化到，過咗一陣之後Cindy整理好自己既情緒，睇佢既表情好似並冇太過嬲，或者好大既反應

「對唔住老婆仔，我都唔想架，你原諒我啦！」我捉住Cindy隻手誠懇地講



「呀賢我完全唔知道仲發生咗咁既事，雖然我真係好驚訝，但係我都有錯既，如果唔係我消失咗，就唔會有咁既事發生」Cindy個樣好似有少少內疚咁

「不如我同你一齊去搵佢講清楚啦」Cindy居然主動提出，我聽到之後都呆咗

「um....好啦～」聽到Cindy咁樣講，都令我安心少少，有番少少勇氣，而家只係剩返Chris果邊.....

Cindy揸住GTR車我番屋企，雖然有Cindy主動提出要同Chris傾一傾，但係沿途我都好緊張。始終都係講清楚成件事既來龍去脈，而且對Chris嚟講我係一個衰人.....