我以為自己要孤獨一世，直到你出現: 第八十一章-大結局

當我地黎到樓下之後，我遲遲都未落車，一切都發展得太快，我冇諗到Cindy知道咗之後會直接想見Chris，我有諗過最壞既結果係Cindy唔理我或者嬲到唔見我，但冇諗過Cindy會選擇三個人傾

「唔好咁緊張，呢件事始終對因我而起，如果唔係我消失咗一段時間，你就唔會以為我有第二個，之後就唔會有呢件事發生」Cindy係lift拖實我隻手咁講，但其實我並冇同Cindy講一件事... 

其實Chris知道佢既存在，並且因為Chris block 咗佢電話，所以我同佢先會聯絡唔上。呢一部分我怕講咗之後Cindy會太激動，而影響到個胎

「唔得！其實我同樣有錯，我地要一齊面對」我用堅定既眼神望住Cindy，要面對既始終都要面對

「 噹～」到啦！



「老婆，你要小心啲，一陣可以有隻狗仔衝出黎，唔好撞到呀」攞出鎖匙將大門打開，咦？！咁奇怪嘅？平時小柒聽到門口有聲就會好興奮一定會沖出黎，點解今日會咁靜既

「小柒～你係邊呀？」我拖住Cindy行返入屋，Cindy心情應該好緊張，因為佢將我隻手捉得好實，我輕輕拍一拍佢手背，到佢冇咁緊張

我入到叫就細細聲叫小柒，並且周圍望搵佢，但發現屋企已經冇咗小柒既水兜同廁所，連小柒少少既生活痕跡都冇

當我入房見到發現張床單由蛋黃哥變番做小熊維尼，唔通Chris已經帶着小柒搬走咗？我先叫Cindy係梳發等一等我，我即刻攞起電話諗住WhatsApp Chris，禁入去聊天室既時候發覺差唔多有成一個月冇搵佢啦，最後一次搵佢果陣係我果日去搵Cindy之前

「Chris你係咪搬走咗呀？」



我同Cindy坐係梳化，而Cindy因為大肚之後好易攰，所以係梳化休息陣。直到夜晚Chris都未覆我，Chris究竟你去咗邊呢？我好想親口同你講一聲對唔住，承認對你造成嘅傷害，都係我既錯！但係點解你連呢個機會都唔比我呀......

「咕～咕」Cindy個肚發出肚餓既聲音，Cindy都餓啦，我地仲未食野......

「老婆，我地不如食野先啦！」今次大鑊啦！大肚婆唔可餓得架！！

「好啦～」Cindy個樣有少少迫於無奈，但佢個樣依然都好想等Chris番黎，但係冇計佢唔食都要顧住BB

我同Cindy去到樓下一間餐廳食野，果然大肚婆食量驚人，平時Cindy都係食少少就會飽，但係佢今日完全好似食極都唔飽咁樣，最後兩個人食四個餸終於食飽咗，睇黎我都要有上進心，努力返工，先至可以養起Cindy同個BB！



到最後我地都係等唔到Chris既出現，只可以返去Cindy屋企先，而Chris一直都冇回到我既訊息，就算叫呀俊幫我打聽消息都一樣搵唔到，就好似成個人消失咗一樣

係呢段工傷期間，我係一邊休養一邊照顧住Cindy ，而且都有不斷搵Chris，但係換來嘅就只有已讀不回，究竟你去咗邊呀？

幾個月之後，我好返返番地盤做野，再去打聽Chris消息先聽傑哥講Chris突然辭職，就算係要賠錢都要即刻走。

點解你要咁做，係咪想避開我呀？

我同Cindy過住平穩既日子，Cindy個肚都越來越大，經歷咗一場慘叫之後，我地個小朋友終於出咗世啦

「老婆，辛苦你啦～」Cindy啱啱比姑娘推出產房，我就好心急咁走埋去錫咗佢一啖，我要比佢知道我緊張佢

「嗯～」Cindy用好微弱既聲音回應我，睇黎生小朋友真係好辛苦，我一定要對佢更加好，因為Chris果件事佢都可以咁大方原諒我，仲係一直對我咗好

BB出左世之後，Cindy就似辭咗佢空姐份工，做全職媽媽照顧BB。係臨交空姐制服之前，Cindy著住套制服大戰一輪先再還，我為咗可能搵份高人工啲既工，我要一邊讀返野雞大學，因為咁樣先可以搵到更多錢去照顧Cindy同BB



至於Chris... 或者佢既事會為我人生中既一個遺憾，不過我面對住Cindy同BB，就算我搵到Chris又點樣？始終我都比唔到佢想要既野比佢...我最後都要盡返責任去照顧Cindy 同BB，我想像唔到如果有一日可以再見到Chris，會係咩環境，我地會唔會同對方講野...