我以為自己要孤獨一世，直到你出現: 第七十九章-蘇醒

咦？！點解我係到既？我明明番緊工架？我最後既記憶好似係，我返緊工之後比啲野撞到個頭，再之後既野就冇印象啦，點解會黎咗呢到既？

呢到漆黑一片，直頭伸手不見五指，咦？！突然有道光係我前面，而且仲啱啱好照亮我身邊既環境，原來我係條電梯上面不斷向上，越黎越接近光源

我一直順着電梯上去，冇幾耐我就見到一個人影，佢仲抱住一個BB？究竟係邊個黎既呢？

「呀賢～」果一個人叫咗我一聲，我認得出係Cindy把聲呀！佢抱住個小朋友係唔係我地既BB呀？我好心急跑緊上去，想睇得清楚啲

「呀賢！」有另一把聲由我背後傳出，當我擰轉面睇就見到Chris企係背後



兩個同時叫緊我，究竟我應該點樣做，我應該去邊一邊？我的確係好愛Cindy，但係面對住Chris，有一種莫名其妙既感覺，好似想一直想佢留係我身邊，不過呢一刻我根本唔可以選擇Chris，因為我曾經對Cindy作出既承諾，我承諾過一定會對佢好，會一直照顧佢

但我始終都想同Chris講清楚，向佢交代清楚，再拖泥帶水對邊一個都唔好，我最後向下跑因為我想同Chris解釋清楚，但係唔知點解我跑極都跑唔到落去，只係越黎越上

「呀賢！」Cindy從後攬着我！

我慢慢擘大眼，見到純白色既天花板，呢到又係邊到黎架？呀！我個頭好痛呀！！我摸住個頭感覺到個頭包曬紗布，而且周圍望，呢到應該係醫院，我應該俾人送咗入黎醫院

「呀賢！」Cindy係房門口拎住摘花衝入黎，攬住我



「你知唔..知...我好...擔口..你呀！」Cindy攬到我實一實，仲激動到喊起上黎

「對唔住呀～冇下次架啦」我雖然唔太清楚而家咩情況，但我摸住Cindy個頭盡量安慰佢

「呀..賢，我一直都等緊你醒番，因為我有個消息想同你講」過咗一陣，Cindy稍為回復左心情，但係呼吸仲有少少氣促，而且雙手擺係前面，好似有啲野講唔出口咁

「我..有..BB...」吓，我冇聽錯呀？唔通真係夢境成真！果種開心完全唔知點樣形容出樣

「大肚婆唔吹得風架！快啲上黎啦！」我好緊張Cindy，即刻讓出半邊床比Cindy坐上黎，再用張被包到佢實一實，再攬住佢訓底望住天花板



係呢段探病時間入面，Cind同我交代咗我昏迷期間所發生既事，原來我已經昏迷咗一個月啦，期間有兩個男仔同一個女仔黎探過我，相信就係呀俊同呀希，而果個女仔應該就係Chris

講起Chris，本來都想同佢講清楚，但係依家Cindy有埋BB，成件事變唔知點樣解釋，唯有見步行步啦，我醒咗之後都未見到Chris黎探過我

醒咗之後被醫生檢查完，我好快就可以出院，不過仲要定時返埋複診

「呀賢，行得未呀？」Cindy坐咗係床邊，諗住扶住我

「行得啦～」我用盡氣力先慢慢起床，之後執得晒啲衫褲鞋襪，準備出院

「咁我地行啦～」Cindy落到床之後就急急腳咁樣走

「喂！唔可以咁，你有BB架！」我即刻叫停Cindy，並且係隔離攬住佢條腰同我一齊慢慢行
，費時佢又行得咁快一陣有咩意外點算



「知啦，衰人啦～」Cindy打咗一下我心口，之後慢慢放下腳步，咁樣一齊同我並肩走出醫院，而家Cindy 有咗BB而我只係啱啱醒返，我諗我仲需要時間好好休養下