我以為自己要孤獨一世，直到你出現: 第七十八章-入院

我擘大眼，就見到Cindy係個心口到訓得好霖，就好似佢去美國之前咁樣，呢啲咁幸福嘅日子真係好懷念呀，但係唯一唔同既就係我同Chris既關係唔同咗，依家件事變到咁樣，我都唔知點同佢解釋好，亦唔知要點樣面對佢.......

「咦？！你瞓醒啦？懶瞓豬～」Cindy慢慢擘大眼，我用手輕輕鏈住Cindy個鼻

「你就豬呀！起身返工啦～」唉，差啲唔記得今日要返工，真係好想全日留係屋企陪住Cindy ，況且隨時返工都會見到Chris

「知啦～」但係唔返工又邊度有錢呢，冇可能成日都靠Cindy架嘛，最後迫於無奈咁樣起咗身，去咗廁所梳洗

出到黎就見到Cindy着住圍裙，係度煮緊早餐，我靜靜雞走到佢背後



「好香喎～煮緊咩啊？」我從後攬着Cindy，再用力一索，好香呀！係Cindy既體香中間夾雜着野食既香味

「係咩？咁你乖乖地等食啦」Cindy聽到我咁講笑得好甜

我係餐枱面前等Cindy煮好早餐，係完美既all day breakfast 呀！我食完之後換衫就差唔多要出門口，同Cindy講拜拜再錫咗佢一啖，終於要出門口返工

但我唔知點樣同Chris解釋，成件始終都要有個交代，如果唔係自己一直拖泥帶水，再加上果兩次既錯事，就唔會形成今日呢個局面......其實我對Chris並非冇感情，我都知道佢好鍾意我，我應該要點算呢.....

「嘭！」突然有一樣野係背後撞到我個頭，我個人瞬間冇力，雙腳跪低係地下，雙眼都慢慢合埋



「呀賢！呀賢！」係我完全合埋眼之前，係迷糊之中我隱約聽到呀俊大叫我，但係我完全冇力比到反應佢......
—————————————-

Chris 

呀賢聽完我講之後就急急腳攞銀包鎖匙諗住落樓，原本我諗住挽留佢，但係我用咩身份去挽留佢呢.....係呢段關係入面其實我係第三者，根本冇資格去挽留，只可以眼白白見住呀賢走～呀賢走咗之後，只淨下我一個人係屋企，我係咪已經完全失去咗呀賢啦

「小柒，呀賢會唔會好憎我呀」小柒跳上床，舔一舔我面上既淚水

呀賢係咪已經同Cindy和好如初呀？唔屬於我既人始終會離開我，不過我冇諗過呢個時間會黎得咁快，我瘋狂地亂諗野好似個腦都受唔我控制一樣，一合埋對眼都係諗呀賢既畫面，諗起佢知道我刪除Cindy既信息既表情，諗起我地一開始快樂既時光，當一諗起自己會失去佢時，我既眼淚就會變得不受控



我一直係床上左轉右轉，直到差不多清晨，眼皮變得好重先不知不覺瞓著

「噹～噹」突然之間我被電話鈴聲嘈醒，一望原來係傑哥打黎，但點解會咁早既唔知係咩事呢？

「早晨呀～傑哥」我即刻調整返自己把聲，唔想比人聽到我果把喊到沙啞既聲音

「喂！Chris快啲去醫院啦，呀賢出左事呀！我一陣比個地址你呀」吓，呀賢？！我即刻換衫趕去醫院

聽到呀賢出事，我成個人都嚇到失了方寸，衝忙地執咗啲野就跑出門口，呀賢你唔好有事呀！我上咗的士之後，感覺架車好似行得好慢，當下我個心亂成一團，唔知道呀賢咩事入咗醫院

當我終於黎到醫院就即刻跑去問咗護士，知道呀賢係邊到之後我就即刻趕過去，冇幾耐，我黎到男病房見到呀賢個頭包到腫晒，而佢隔離個女仔同相入面一樣應該就係Cindy～

「呀賢！唔好嚇我呀！」Cindy捉住呀賢隻手好激動咁講，而我就住病房門口停住了，冇再行入去



我都想過去捉住呀賢隻手，但係我憑乜野，我又唔係佢女朋友，只係一個比較親密既朋友......

「呀嫂～」呀俊係走廊行近黎果時大叫咗一聲，我即刻打眼色叫佢唔好講野，呀俊都好似明白我既意思，即刻將個尾音拉長並且細聲，我同呀俊一齊行到呀賢病床邊

估唔到我會以咁樣既方式同Cindy見到

「你地係...？」Cindy見到我同呀俊行埋呀賢床邊，感到有少少困惑

「你好，我地係呀賢既同事，因為知道佢受傷，所以趕黎醫院睇睇佢」我趕係呀俊開口前答咗問題，因為我怕呀俊會唔知講咩

「邊位係高賢屋企人？」與此同時有個醫生行到入黎問

「我係佢女朋友！」Cindy企起身抹一抹眼，走向醫生面前

呀俊就用奇怪既眼光望住我仲有Cindy，我將佢拉出房行，黎到一個較少人既地方