我以為自己要孤獨一世，直到你出現: 第七十四章-等我

我將手機拆包裝拆開，咦？！點解有張電話卡痴係手機背面既，應該係Bryant幫我準備好，估唔到佢咁細心，set好曬部新手機既野之後，我第一時間去搵返呀賢

「呀賢～爸爸手術成功咗，好快可以番黎架啦🥳🥳」一開到手機就down番WhatsApp番呀賢～

「等我😘😘」

唔知呀賢做緊咩呢，而家香港時間應該係夜晚，唔知佢會唔會好似我咁冇咗對方係到，所以訓唔覺呢，咁耐冇同佢wts又唔知佢會唔會嬲咗我呀

「同邊個WhatsApp呀～」爸爸好八卦咁移頭埋黎睇



「爸爸，你睇吓呢個係我男朋友呀～」好彩我登入到個iCloud，返晒之前部電話啲相啫，我再將同呀賢係迪士尼既相比爸爸睇，我最後都係決定介紹呀賢比佢識，咁樣爸爸就唔會再撮合我同Bryant

「咦？！睇落去個樣都正正常常，都唔錯～」聽到爸爸咁樣講，我都好開心，因為起碼第一印象都唔錯啦

「緊係啦～」我將係香港同呀賢既認識過程話比爸爸知，但係當然冇提及到肥仔，淨係話喺海旁到認識，費事爸爸唔擔心我啦～

「咁佢都好好喎，幾時帶番黎比爸爸見下」太好啦，起碼爸爸都冇反對過我地兩個一齊

「好呀，等你好返啲既時候呀」我露出笑容咁答爸爸，自從爸爸入院之後都好耐未試過咁開心啦



「你地兩個講乜野咁開心呀？」Bryant攞住已經切好既蘋果番入黎

「冇呀～」

「冇呀～」我同爸爸異口同聲一齊答，望住對方笑

「噹～」我即刻望吓我部電話，睇吓係咪呀賢，但係唔係喎....

「我有急事走先啦～」原來係Bryant部電話，等我空歡喜一場，Bryant講完之後就走咗啦



Bryant走咗之後，我同爸爸不斷講起呀賢，爸爸都有係咁問呀賢既事，包括佢番咩工，搵幾多錢，咁我當然答啲答案係過到爸爸果關架啦～

我從來都冇介意過呀賢搵得唔多錢，況且佢都係啱啱出黎做野，邊可能一步登天，只要佢對我好就得啦～

「爸爸，我走啦，拜拜～」我幫爸爸冚好被，就同爸爸講

「拜拜～」爸爸都露出笑容同我講

我離開咗醫院之後就番到屋企，沖完涼就上床睇咗陣電視，今日好開心，爸爸終於醒咗啦～

「噹！」呢次仲唔係我部電話，我過去睇一睇，原來係Bryant......

「Cindy，不如下個星期一齊食飯？😄😄」

「好呀😊😊」反正都差佢一餐飯，況且都想等埋爸爸情況好啲先走



話說呀賢都仲未覆我既，唔似平時既佢喎～應該瞓醒架啦，唔通佢遇到啲咩事？！你唔好嚇我呀！

係呢個星期入面，我每一日都去探爸爸，爸爸既情況都日漸好轉，我終於可以放下心頭大石，但係我依然搵唔到呀賢，最奇怪既係我再send WhatsApp 比佢，點解佢會變咗單剔既，又打唔通比佢，死啦～難道佢嬲咗我呀.....

我同Bryant去到一間餐廳食飯，當日佢着到西裝骨骨著得比平時正式，我一坐低就將手上既玫瑰花送比我，搞到我都唔知點好。

「Cindy，不如我地影返張相呀，我地識咗咁耐都未影過」Bryant冇啦啦話要影相，但我都唔好意思拒絕，因為會變到好尷尬

當影相既時候突然，Bryant將塊面貼近我塊面，之後撳影相鍵，嚇到我有啲措手不及

「Sorry 係咪有令你唔舒服呀」Bryant見到我嚇一嚇，就即刻問我

「冇野冇野」但真係係比佢嚇到



食飯既途中，Bryant不停問我會唔會留耐啲係呢度陪爸爸，仲問我覺得佢點樣

「Cindy 唔知我同你會唔會有機會做情侶」Bryant伸手捉住我放係枱上既手

「sorry，唔會有機會呀，我已經有男朋友，但好多謝你呢段時間既照顧」我將手縮返埋

「嗯，ok」Bryant 都好gentlemen地回應我

食完飯之後佢就送等返屋企，我地只係繼續傾啲日常既話題

爸爸都好返好多，差唔多可以出院，我諗我都要趕返香港啦

「乖女，你走啦，爸爸冇事架啦～」爸爸摸着我果頭安慰我

「係啦，咁我下次帶呀賢黎搵你食飯～」聽到爸爸咁樣講我個心到安定落黎，令我終於捨得走啦～



我係預料既時間之內黎到機場，辦好簡單既手續之後就坐咗係到一直等上機，究竟係咪真係嬲咗我呢？但係都冇理由變咗單剔，我要盡快番去先得，到時候買多兩隻小熊維尼比佢，希望可以氹番佢啦～

「噹！」終於有廣播話可以上飛機啦，急急腳咁樣排隊準備上飛機番香港～