我以為自己要孤獨一世，直到你出現: 第六十五章-默默的陪伴
我擘大眼，就見到Chris訓好得霖，而訓係側邊既狗仔都係，仲要訓到番哂肚添，狗仔黎咗屋企都已經一個星期啦，但放上網既尋主人啟示一直未冇回音
—————————
「傻仔～冇事架啦」面對突如期來喊既我，Chris溫柔地安慰我，摸住我個頭安慰緊我
「Chris，其實係.....」我係佢既安慰之下，心情慢慢回復番少少，我都係決定同Chris講我同Cindy既事，因為瞞住一個對我咁好既人實在太痛苦
「呀賢...ok傢，你唔使同我講任何事住，我淨係想知道你會唔會愛我，我一直都好擔心你，我...好想知道你會唔會鐘意我」Chris突然間咁問，令到我呆咗
Chris一直好似太陽一樣，每一次我係外面係咗傷，佢都會溫柔咗安慰我，每一次佢都由漆黑中～迷惘中，拉我一把
「嗯嗯！我愛你～我一定會對你好好～」我用力點頭，錫咗Chris一啖，諗住再有進一步發展既時候
「汪～汪～」狗仔突然係外套突出個頭係到吠，我立即縮番埋隻手
「嘩！呢隻野你係邊到執番黎架？」Chris見到狗仔立即退後咗幾步，睇黎佢應該有啲驚狗
我將狗仔放係沙發上面，再用手機幫佢影咗幾張全身相放上去網上，睇吓有冇人認領番佢啦，之後就安置佢
「咁我地訓囉～」我走番入房
「嗯！」Chris都走番入房
「汪汪～」我諗住閂門之際，狗仔沖入黎仲跳咗上床
「喂！你走開呀！」Chris大叫，狗仔都比佢嚇親企左係到，個樣仲有少少哀傷添
「Chris，唔係咁啦～佢都好慘架」我訓落床，用右手攬住狗仔
「好啦～」Chris訓上黎我口心，我錫咗佢額頭一啖，之後望向天花板慢慢訓住咗
我同Chris自然咁正式一齊咗，係真正既一齊，唔再係之前唔清唔楚既關係，而狗仔都一直冇人認領，所以我決定養佢，希望比到一個開心快樂既屋企佢啦～
「呀賢～」Chris啱啱起身就抬高頭問我
「Chris，呀～」我立即伸個懶腰
「汪！汪！」狗仔比我呢一下大動作整醒咗，都立即係到吠，仲過黎係咁奶我塊面
我同Chris都起身入咗廁所，攞起牙刷，我低頭幫Chris刷牙，而Chris都抬高頭幫我刷牙，係一個幸福既朝頭早呀～
「食野啦」狗仔一聽到聲，立即狗沖過黎
係狗仔食緊野之際，緊係要享受吓二人世界啦～
「呀～」正當我喂緊Chris食野
「汪～汪」狗仔突然跳上黎，搞到條腸仔跌咗落地，佢立即跳落地食埋條腸仔
「死衰狗！」Chris好嬲咁講
狗仔望咗一眼Chris，之後就冇理佢繼續食條腸仔，佢又會食得咁快既，我望一望比狗仔暫時用黎食野既碗又唔放便佢又舊，係時候買隻狗碗比佢啦，仲有佢叫咩名好呢？
「係呢Chris，狗仔叫咩好呀？」
「你中意啦～」Chris好似有少少唔耐煩望一望狗仔
「Um......你個樣柒柒地，屋企既歲數你又最細，一於叫你做三小柒啦！」
「汪！」三小柒聽到之後立即好開心係到吠回應我
「咩名黎架？三小柒～」Chris聽到之後係到大笑
「汪～汪」小柒一聽到Chris叫佢就立即沖去Chris
「喂！呀賢～」Chris立即走去我後面，搵我黎擋小柒
經過一輪擾攘，我地終於出到門口啦，Chris今日著得好lady，同平日佢既風格好唔一樣，但同樣可愛又靚女，我真係冇揀錯人，希望今次真係唔會再錯... ...
「Chris，呢條帶好似幾啱小柒喎！」我拎住一條黑色粗身既狗繩
「三小柒佢係中小型犬，但呢條係比大型犬用傢」
點解我一直冇發覺有一個咁好既女仔係我身邊，仲異想天開以為Cindy對等我認真既，與其浪費時間係一個唔知愛唔愛我既人身上，不如好好珍惜一直係我身邊既Chris
「不如呢條啦，好唔好呀？」Chris拎起一條粉紅色既狗帶
「Chris，多謝你」我一手攬住Chris
Chris我會好好珍惜你，之前係我太傻仔啦，冇將你放在眼內
「做咩攬到我咁實呀，好多人路過傢」Chris好怕羞咁推開我
「我攬住我女朋友冇咩問題呀」我一副理所當然既樣
「咩你咁無賴傢」Chris對住我反白眼，但下一次就笑得好靚
「咁～男朋友呀，我地仲買啲咩呀」Chris用誇張既同我講野
「女朋友呀，我地不如食野先啦，我開始餓呀」我拖住Chris 既手，一齊去收銀處
返到門口，未開門已經聽到三小柒係入面吠
當門一打口，隻衰狗一野撲向Chris，Chris被突如其來既猛獸攻擊，差少少跌落地下
「小柒，係冷靜啲～呀呀呀呀」Chris面樣三小柒既熱情真係無所適從呀
「喂！小柒我呢，你唔歡迎我既」三小柒聽到我講野，終於留意到我係旁邊，佢象徵式都撲下我，但下一秒又走去圍住Chris
「你呢隻真係狗公呀」隻衰狗聽到我咁講，居然吠咗我幾聲
安置放好買返黎既野同埋三小柒冷靜落黎之後，我同Chris相擁住坐係梳化睇電視，平平淡淡過左一日
而家既我咩都唔諗啦，只係想好好同Chris一齊，去彌補返我之前對佢做既野，之前果一段時間只係過眼煙雲，夢醒之後就唔想再錯失一個愛我既人