我以為自己要孤獨一世，直到你出現: 第六十四章-再次被背叛

我已經冇心情做其他野，一直打機打到夜晚，見時間差唔多～差唔多要換衫出去啦，心情唔好更加要扮型啲，係你啦～牛仔嬲再加埋9分黑色長褲，一於係咁啦～

上到去一開lift煙霧彌漫，唔知以為火燭呀！真係奇怪明明係平日，但又會咁多人既～呀希呢？有隻手向我係咁fing fing下

「喂，仆街希～」我走過去坐低咗

「喂，仆街賢，呀嫂呢？」果然係真....

「冇呀，食野啦～」真係頂佢唔順，又諗住借Chris黎玩9我



我地一邊食一邊講起以前啲尷尬野，都叫暫時令到我可以唔使再煩Chris既事，可以逃避多一陣

「嘩，有錢人條女果然係唔同啲～」呀希對坐手機驚嘆出黎

「係咩？睇過下～」我伸手去攞呀希部手機黎睇

當我睇到電話既相之後，成個腦都空白一片，你唔係同我講笑呀嘛，相中既一男一女佢地面貼面合照，男既都幾靚仔，著住西裝gel曬頭睇落去仲要有啲錢，而隔離果個女仔竟然係我日日都掛住既Cindy...

「Cindy，你係邊？」呢一刻真係唔知可以做咩野，只可以攞手機wts Cindy ，因為呢一個係我同佢唯一可以連繫到既方法



「你係邊呀？我掛住你呀」

「你係咪有咩事呀？」

「求下你覆吓我啦，你係唔係有野瞞住我！」

但結果都係換黎都係單剔。Cindy一直冇回我信息，我send野比佢都係單剔，而家仲見到一張佢同一個男人既相，我唔想向壞方面諗... ...但係我第一個念頭就係佢...佢想避開我，所以block咗我

你可唔可以同我講個男仔係你朋友，你地冇任任關係...我會信你講野傢...



我衝咗去廁所，用凍水令到自己冷靜少少，我應該要相信Cindy，我要對佢有信心

我拎起手機輸入Cindy電話號碼，之後撳撥出，一次、兩次、三次、四次... ... 每一次既結果都係一樣 —— 打唔通

「Cindy 你可唔可以覆下我呀...」一次又一次既打唔通，已經令到我慢慢由相信無唔會咁樣，去到感到絕望

我行返去個位前面

「呀希，可唔可以比啱啱相張仔既ig我」

「呀賢！你冇事呀嘛」呀希好緊張咁問我，我望下隻手已經不自覺咁震緊，我好努力控制緊自己既情緒

「都係唔使啦，我唔舒服走先～」我攞低錢就走左，突然有一下我連睇條仔ig既勇氣都冇

我落到樓下一直跑一直跑～跑到的士站就搭的士去到當初識Cindy既地方，我坐係海傍感受海邊吹來既風，明明之前好舒服，但係唔知點解我覺得好凍～



我開始回想番識Cindy既過程，我係由遞紙巾比佢，再幫佢解決危機，一直陪伴係佢身邊，最後表白成功成為我女朋友，一切就好似童話故事咁～

但係張相又點解釋呢，仲有佢單剔咗，唔通我只係第三者或者係水泡，只係用黎解決肥仔，我只係一個比有錢女攝時間既垃圾？又一次既背叛，究竟我要經歷幾多次呀先夠呀？我到最後居然連撳入條仔既ig既勇氣都冇，我怕撳入去會見到更多相，我怕我自己會變到更憎佢，我想自己愛佢多一啲，我唔想見到更多...

「嗚.....嗚....鳴......」我終於忍不住喊出黎

點解呀？受傷既總是我，我的天呀！

「汪～汪～」有一隻狗仔突然係我旁邊行嚟行去，好似想撩我玩

我望一望係一個黑色既柴犬，頸上冇頸圈但又咁唔怕人，但周圍又冇人似放緊狗

「狗仔，咁主人呢，你係咪都係比人唔要呀，點解啲人可以咁絕情，話唔要就唔要傢」



我既眼淚就越來越快，我即刻攬住隻狗仔，而隻狗仔係咁奶我塊面，好似安慰緊我咁，過咁一陣，我開始冷靜落黎，深呼吸令到自己唔再哭

「狗仔如果你只係走失，我會幫你搵返主人！」

我唔可以比狗仔好似我咁樣，一轉頭就唔見左自己重要既人。我決定佢帶番屋企再po上網，等佢既主人可以搵番佢

「狗仔，等帶你返屋企先啦」佢好似明我想幫佢，當我抱起佢時佢並冇掙扎

拎出鎖匙開門，當我開鐵閘時，大門同時開咗

「呀賢你去咗邊呀？」Chris好擔心咁問我

「我.....」見到Chris咁擔心我唔知點解有種莫名奇妙嘅感動

「Chris... ... 我... ...嗚...嗚...嗚....」我撲向Chris攬實佢，我原本想講我冇事，但最後發現我講唔出口呀...