我以為自己要孤獨一世，直到你出現: 第六十三章-內疚

「噹～噹～噹」我被鬧鐘嘈醒咗！我勉強擘大眼禁息佢

頂！我個頭好撚痛呀！痛到我要用手撳住個頭。我望一望被下既自己，只係著住左一條底褲。

今次大鑊啦～我開始諗番尋晚發生咩事，我尋晚好唔開心，之後錫咗Chris一啖，之後我好想我好想... ... 我究竟做咗啲咩呀！！！我的天呀！我同Chris做咗愛.....

「咦！你醒啦～」我一開門行出房就見到Chris由廚房拎住兩碟野行出嚟

「係呀...」Chris將兩碟野放落枱面，仲伴隨住一陣陣既燒燶野既味



「你去洗面先啦，一陣一齊食早餐呀」Chris再入番廚房

「嗯嗯...」我入到廁所用凍水洗面，我想令自己清醒啲，等自己冷靜一下，要諗下下一步應該點算，攞起手機打開我同Cindy之前影落既合照。

「我會等你傢」

我諗返起Cindy臨上機之前，我誓言單單答應過佢既野，我答應過佢話會等佢番黎，但尋晚我居然因為佢冇回我信息而亂諗，仲同第二個上床，如果Cindy番到黎我要點樣面對佢呀！我好後悔尋晚做過既野呀！

原來諗住一直等Cindy返黎，之後就會同Chris講清楚，而家冇講清楚不但只仲要再一次上埋床。第一次就話飲醉唔小心，對住Chris就可以則則膊，但而家第二次...我要點樣面對Chris呀...我更加對唔住Cindy



「呀賢食早餐啦～」係我仲整理緊混亂既思緒時，Chris係出面叫我

「嗯，知啦！」我出到見到Chris已經坐咗係枱面前，枱面上有兩份早餐

「你飲杯熱牛奶先啦，你尋晚飲到咁醉」Chris將杯牛奶放到我旁邊

「Chris... ...」當我見到Chris為我準備既All day breakfast，我突然講唔出任何會傷害到佢既說話

「嗯？咩野事？」Chris抬頭望一望我



「黎啦，呀～」Chris叉住條腸仔遞係我面前
我擘大口食咗啖，雖然係燶既，但係都好好食

「Chris... 點解要對我咁好呀」點解佢要對的咁好呀，好到我唔想令到佢為我傷心

「傻仔～做咩喊呀？係咪好食到流眼淚呢？」Chris攞起紙巾幫抺走面上既眼淚，仲諗住氹我笑

「Chris，好多謝你」我捉住佢為我抹眼淚既手，而Chris順勢攬住我，輕輕摸我既頭髮

係呢一刻我諗起Cindy，諗起佢為我煮早餐，但我唔想推開攬住我既Chris，因為佢永遠係我需要人既時候係我身邊

「呀賢，我地食咗早餐先啦」

「嗯嗯...」



我地兩個好平靜地食完早餐，而Chris完全冇提起尋晚發生既事，我寧願佢會同我講返，或者咁樣我會有拒絕佢既勇氣

「呀賢，今日你要自己係屋企啦，我約左人呀」Chris將碗碟拎去廚房，就急急腳返份房換衫，而我就呆呆坐係梳化

「呀賢，我咁著好唔好呀」係呢一刻Chris同Cindy既影子好似重疊咗

「嗯嗯...好睇呀」我微笑回應Chris

「咁我就著呢一套出街啦」Chris好開心咁返房繼續準備出街

「等我返黎啦～～」Chris同我講完拜拜就開開心心出左門口

我一個人靜靜地攤左係梳化，打開手機

「Cindy，你點解唔回我wts？我掛住你呀」我拎起手機，繼續留短信比佢



「Cindy，你有冇事呀，點解單剔既？」隔咗一陣我再send 信息比Cindy，不過都係繼續單剔

Cindy你可唔可以回覆下我呀，我想你比勇氣我同Chris講清楚呀，我想停止自己繼續沉落去呀，如果咁樣落去，只會傷得Chris更深，我寧願Chris會對我差啲，就好似我地啱啱識果陣

「鈴～鈴～鈴 」手機突然響起，嚇到我成個人跳起

「喂？呀賢一陣我要唔要幫你買埋飯呀？」Chris只係出去冇耐，已經擔心我既晚餐

「唔使啦，你玩得開心啲啦」我點樣再去接受佢對我既好呀....

Cindy係幾時先可以回我一句呀，就算一句都好呀，可唔可以唔好再單剔我，我而家好亂呀，你可唔可以同我講我應該點算呀

「噹」係我手機呀！都唔係Cindy，係仆街希



「喂，今晚有冇興趣一齊食呀？」又會冇啦啦搵我既，不過佢都係想見到Chris姐

「好呀」反正都係好耐冇佢食飯啦，順便當散下心啦～

「記得帶埋呀嫂呀🙈🙈」真係想屌死佢！