我以為自己要孤獨一世，直到你出現: 第三十九章-相遇

「你返黎啦」Cindy見到我，就停低手上既動作
望一望我

「你今日出街咩，冇聽你提既」佢著到咁靚，出到去一定比大把仔圍住，返到黎咪仲有得剩

「sorry呀，唔記得同你講添，今日有個friend開birthday party，你要唔要一齊去呀」Cindy已經著好鞋，係到整理緊自己既儀容

「唔去啦，你玩得開心啲啦，我係屋企等你番黎啦～」當然唔去啦，我去到咪格格不入，都費事到時尷尬呀

「嗯嗯，咁我出去先啦，拜拜」Cindy就拎去手袋就行出門口，頭也不回



唉～仲諗住今晚可以繼續食到Cindy既住家飯，同埋可以好似尋晚咁樣攬住一齊睇Netilex
，睇黎今日都要食自己啦。Cindy出左去，咁我可以做咩呀，最衰冇報今日7-11更呀

‘’呀賢食左飯未呀？👻‘’ 突然收到Chris既WhatsApp 

‘’食左啦‘’  估唔到Chris會WhatsApp我，好彩Cindy出左去

‘’恭喜你呀，繼續努力💪🏻‘’ 收到呢句之後，我已經冇再回佢，費事一陣間會愈傾愈耐啦



望住呢一間咁大，又裝修得咁靚既屋，究竟我幾時先會有能力比到咁既屋我愛既女人。

放工返到黎都未食晚餐，當我諗緊食咩呀，電視播緊懷舊小食，突然諗到我今晚應該去邊啦！一於就去細過成日去食個間糖水鋪食下野啦，反正大個之後都好耐冇去過啦。

係Cindy呢邊出入冇揸車真係唔好方便，又唔想call的士，我轉左兩程巴士終於到糖水鋪啦，反工成晚咁多時間hea下都無所謂啦

「靚仔，拎飛先呀」當我諗住入時，有個呀姨係門口截住左我，估唔到今早就開始要拎飛等位

等左十分鐘左右終於到我入去，我已經餓到痴線，好想快啲食到野呀。行到入去，小小既糖水鋪坐滿左人，仲有唔少成雙成對既情侶。



唉～見到個個一對對，而我就自己一個，Cindy係到就好啦～

「靚仔你既野食」

「好呀，唔該你」唔諗咁多無謂野啦，都係食野最實際呀

呢間糖水舖既糖水真係全香港最正，最真材實料呀，仲有呢度既串燒同燒雞翼，微微焦香加上揸係面既蜜糖同調味粉，真係食唔停呀

「呀妹，而家冇位呀，同人搭枱啦」食食下聽到個呀姨既聲，睇黎我旁邊呢個空位要坐人啦

「無問題呀」有個女仔答返

點解把聲會咁熟既，難道係......

「呀賢？」我擰轉頭過去，真係冇聽錯



未驚訝完，Chris已經坐左落我旁邊既空位

「你點解會係度既？！」Chris坐低之後一面不可思議望住我

「我...我...我...見得閒就黎食糖水，你又識黎呢道既？」真係有冇咁有緣，我都黎到老遠食野都撞到Chris

「你之前同我提過細過食過呢一間糖水鋪，話啲野好好食要我一定要試下，我見今日得閒就黎試下」佢答完我就望住餐牌，估唔到Chris有記住我提過呢間鋪

「有咩好介紹呀，我未食過呀」最後Chris點咗同我一樣既野食

「呀賢，冇介紹錯喎，啲野真係好好食呀！」Chris 食住隻雞翼好激動咁同我講

「係呢...你呢排冇返屋企其實係去左邊呀？」食野既過程我都好驚佢講起果件事，好彩佢一直都冇問



「我朋友去左旅行，要我上佢屋企照顧佢隻貓呀」好彩我一早諗定點應付呢個問題

「呀賢呀......」Chris既表情突然同語氣變得有啲尷尬

嗱！唔好呀...你唔好講呀，見到佢尷尬既表情同語氣，我開始緊張起黎...

「呀賢，你聽日得唔得閒呀，我呀媽又叫你上我屋企食飯呀，唔知你可唔可以幫下我手，做多次...我男朋友呀...」Chris講得愈黎愈細聲，特別係講到男朋友三個字時，仲要停左好耐先講得出

「Um... 我諗都可以既」今次真係嚇到我腳仔軟呀，好彩只係講上佢屋企食飯

「咁呢餐請你啦，咁聽日就麻煩你啦」Chris好似好開心，拎起兩張單就行去櫃位埋單

我地一齊出到門口，Chris問我食到咁飽，有冇興趣散下步先，我見時間都咁早，Cindy都有排先返到，就陪Chris散下步

我同Chris沿途都只係傾下工地既事，或者一啲九唔搭八既事，好似慢慢可以正常咁返Chris傾計啦



「關注他～追看他」手機突然響起，我望一望來電係Cindy打比我，我即刻行開少少諗住聽，點知鈴響突然斷左，我即刻打返比Cindy，但已經打唔通，係咪出左咩事呀，Cindy唔會唔聽我電話傢

打左十幾次之後Cindy終於接我電話

「屋企...」Cindy講完呢兩個字就cut咗線，再打返轉頭時又再冇接

「冇事嗎，咁耐既」Chris行過黎問

「係呀，我有事要做～要走先呀，遲啲見」我講完之後就跑去截的士

「呀賢，等等呀......」我冇理到Chris係背後叫住我

我好快返屋企，行近時發現大門並冇閂上，當我一入到門口... ...