我以為自己要孤獨一世，直到你出現: 第三十四-令我安穩既人

——————————
Cindy

我都唔知點解自己會咁癲，竟然叫一個只係識咗幾日既男人同我一齊住... ... 但我真係忘記唔到呀賢比到我一種安心既感覺，之前我一直要食安眠藥先訓到，因為肥仔果件事令到我晚晚都訓唔著，但每一個同呀賢一齊既晚上，我都訓得好安穩。佢真係同其他人唔一樣。

同呀賢一齊住既第一個晚上，我唔需要再食安眠藥而係係佢懷中就不知不覺訓著左，當我一打開眼發現，原來佢已經起左身準備返工

「點解唔訓著啲呀，仲好早喎」佢見到我起身就好疑惑咁望住我

我同呀賢傾左陣就去整早餐比佢食，好多謝有佢我先可以訓得咁好，既然已經醒左當然要整早餐比呀賢食飽先返工啦



見到呀賢食得咁滿足，我都好開心，同呀賢相處我就有一種好想照顧佢既感覺，好想見到佢可以開開心心。

「你返黎啦」好想每一日都可以等呀賢收工

今晚我又同呀賢過左好攰既一晚

正當我以為呢一個星期都可以安安靜靜咁同呀賢一齊過之時，突然收到有一班機既crew有事飛唔到，要我頂上。

雖然好唔想飛，想同呀賢一齊開心過呢個星期，但而家就冇辦法啦



「呀賢，我今晚要飛呀」同左呀賢講聲我就即刻梳洗，準備stand by

「Hi Cindy，咁啱既，居然今次又係同你一齊飛」 Andy見到我就好興奮咁同我打招呼

「嗯，咁有緣既」因為同佢唔熟，只係禮貌回下佢就算

「Cindy我黎幫你呀」Andy見我幫個乖客放行李上行李架時，即刻行過黎幫手

「Andy都係好靚仔呀，又高又gentlemen!」


「係呀係呀，聽講佢而家單身呀！」
「我都聽過其佢crew講冇拍拖好耐啦」

係休息既時候一班同事襯Andy行開，就即刻七嘴八舌咁樣討論緊Andy，而我只係係旁邊聽下，反正我對呢個人都有興趣，幾高大靚仔或者花心都唔關我事

係成個飛既過程中，好多時間我都係同Andy一齊做野，佢成個過程都好幫我，粗重野都係佢幫手做

「係呢，一陣落地你諗住做咩呀」休息既時候Andy突然行過黎問我

「冇呀，諗住係酒店休息下就算」仲可以順面搵呀賢傾下計，反正落地之後都攰啦

「係呀，我都係諗住係酒店喎」Andy突然眼睛發亮咁望住我，望到我都有少少唔自在

「Cindy 要唔要一齊出去行下呀」Selena敲我房門



「唔使啦，我有啲攰想休息陣」

返到房訓左一陣，又有人敲我房門，嘈醒左我

「Andy? 搵我咩事呀」一開門原來係Andy搵我

「你方唔方便呀，不如我入黎你房傾下計？」
Um...佢真係好奇怪呀，但一場同事冇所謂啦

「好啦，你搵我做咩呀」Andy入到房就直接坐左係床邊

「冇呀，諗住同你一齊傾下辦...了解下你」Andy拎出左支酒，個話氣都變到奇奇怪怪

當佢拎住裝左酒既杯遞俾我時，我擋住左佢



「唔使啦，我唔飲，我仲有少少攰想休息下」佢咁奇怪，都係保持距離比較好

「咁...不如我地一齊休息下呀...」Andy隻手開始唔安份咁摸我隻手

「你咩意思呀，請你離開我間房」Andy太過份啦，佢當我係咩呀，估唔到佢係啲咁嘅人

「做咩而家先扮矜持呀，啱啱又開門俾我入房」Andy聽到我咁講，佢講嘢嘅語氣變到好嬲

「你同我即刻離開，如果唔係我就叫人上黎趕你走」我指住門口要佢即刻離開

「八婆你扮咩矜持呀，啱啱又開門俾我！」Andy鬧左我幾句就大大力閂埋我房門離門

痴線傢，呢個咩人黎傢，真係衣冠禽獸

「叮！」手機鈴音響左下



「Cindy做緊咩呀？🙈🙈」點解呀賢每一次都係我需要人既時候出現

「冇呀，啱啱落機休息左陣，你有冇掛住我呀？😘😘」我要唔要同呀賢講啱啱發生既事呢

如是者呀賢就陪我一直傾到我訓著。訓醒之後，有少少唔習慣醒左之後第一眼見唔到呀賢...發現得好似不自覺地越黎越依懶佢