我以為自己要孤獨一世，直到你出現: 第三十三章-我地之間咩關係

我同Chris落咗樓之後，一齊並肩行去小巴站，全程氣氛瀰漫着一股尷尬而我就保持向前望，全程我同佢都冇開口講野！

「呀賢，尋晚...你...係....真」估唔到Chris率先開口講嘢，佢既聲音逐漸變小，到最後已經聽唔到佢講咩！不過「尋晚」呢兩個字就聽得好清楚.....呢次大撚獲佢講返尋晚既事呀！

「Chris你講咩呀？我聽唔清呀」好自然咁問佢，梗係老閪都扮聽唔到啦

「喂！仆街～」聽到仆街，唔洗問啦，九成九係仆街希！但係有冇咁橋咁呀，救星到啦！有呀希出現Chris應該唔會再提尋晚既事

「屌你啦～」我同Chris都擰轉身，真係仆街希.....



「早晨！呀嫂～」呀希見Chris係我隔離，又係到搞事，點解我咁傻會諗住佢救到我呀

「早晨」Chris細細聲回左句，之後臉都紅曬咁耷低頭，佢係咪默默接受咗呢個稱呼呀！！！

「咦？！你地唔拖手既」呀希繼續豬隊友上身，望住我同Chris分別係褲袋同兩邊既手，屌你！唔好搞事啦......放過我啦仲要唔夠尷尬咩....

「難道你地嗌交呀？」屌你！！！如果係真的話都唔好講出黎啦，而且又唔係真既，我打眼色叫呀希走呀！！！

「哦！我走先啦，唔阻你地兩個～」呀希終於睇得明我既打眼色，講多句拜拜就行開左，冇再為我增添更多嘅尷尬！！！



「佢係咁架～唔好見怪」我摸住自己個頭，僵硬咁笑住同Chris講....

「嗯」Chris點頭回應我，慢慢伸手拖住我

我都係唔知點好呀，縮手又唔係，只好回應佢比佢拖住咁慢慢走去小巴站。Chris隻手都幾熱，仲好細隻手，比起Cindy隻手Chris隻細手顯得我隻手好大。

我地一直拖住手上到小巴站，因為車上只係剩低一個雙人位，冇辦法只可以繼續同佢坐埋一齊，繼續無止境嘅尷尬～

我好自然咁讓佢坐入面，我坐係出面，之後我感覺到佢挨住我，我只可以繼續坐到直一直望住前面，途中偷望咗佢一下，原來佢訓著咗，咁都好啲起碼唔洗咁尷尬



小巴到站果一下停車， chok咗醒下Chris，落到車之後Chris拖住得既手都冇放開過，一直行番地盤，途中我不停四周圍望下，始終我同Chris既事，如果俾地盤其他人知道就多是非啦，更何況我唔想比其他人知，費事唔覺意傳到去比Cindy知道......

「我到啦～」我地行到架步門口，Chris講完拜拜之後就終於放開拖住我既手，之後佢既眼神依依不捨既眼神望住我，太奇怪啦一切變得太快啦，Chris對我既態度180度轉變

「喂，呀賢咁早既！」我行入架步冇幾耐，有人係我背後拍我膊頭叫停得，我擰轉頭原來係呀俊

「係呀，費事成日俾你話呀～」我一邊換衫一邊笑住講

「屌你啦～係呢，頭先見到你同果個科文一齊行喎，你地係咩關係呀」呀俊用懷疑嘅眼神，再對住我奸笑，唔通佢見到我同Chris拖手

「咩呀！唔知你講咩喎～行啦！」冇辦法，唯有扮晒野啦，講完之後我快快腳行咗出架步

今日全日做野都冇咩心機做野，只係諗究竟有咩辦法解決呢個問題。冇錯！我係好中意Cindy，但係我配唔上佢，佢生活無憂無慮，而我只係一個窮撚公屋仔，佢簡直係要樣有樣，要錢有錢。而Chris同佢同居既日子的確幾好相處，除咗有少少壞習慣之外啦，佢其實都係一個好女仔，但係問題我根本對Chris既愛唔係情侶之間既愛，但發生左尋晚既事，Chris對我既態度改變曬，我都唔知算呀！好亂呀！

一番到屋企，我立刻坐電腦枱面前瘋狂打機發洩！到咗Chris返黎，我眼尾都冇望過去，因為我唔知點樣面對佢！而Chris久唔久都會問吓我野，我都係直接答，唔想講多餘野



我一直打機，打到好晚，直至到阿希話要返工唔打～我先慢慢就返去梳化訓

「呀賢，天氣凍啦，番入黎訓啦」Chris係間房到講，都好既，天氣咁凍，凍親就唔好啦

「你做咩呀？上黎訓啦～」我諗住係地下打地舖訓，點知比Chris叫停左，佢拍一拍床示意上黎訓

「唔好啦～我訓地下得架啦」費事我同佢之間有更多身體接觸，我唔想比Chris誤會，一定要拒絕佢！

「黎啦！」當我諗住訓落地下嘅時候，比Chris扯左上床

上到床之後，佢推我瞓落個枕頭，再用我隻手枕住佢，佢都自動自覺訓落床，訓落我心口，佢個樣好似好霖咁！我望住佢真係唔知點講出口，再諗起攞埋佢個處....如果你而家同佢講清楚，咗真係好傷佢，但係我應承咗Cindy話會等佢番黎，我而家應該要點選擇......