我以為自己要孤獨一世，直到你出現: 第三十五-空姐的歸來

呀！！！做完野啦，我攞起部手機睇一睇時間，咦？！仲有成兩個鐘先收工，唔知Cindy做緊咩呢

「Cindy做緊咩呀？🙈🙈」我send WhatsApp比Cindy

「冇呀，啱啱落機休息左陣，你有冇掛住我呀？😘😘」Cindy好快就覆我

我一直同Cindy WhatsApp 到收工，收工之後傾到番屋企，番屋企之後我都係廁所果啲位覆Cindy，好怕比Chris見到，係WhatsApp當中Cindy話幾日後就番黎，我緊係好開心啦，但係我話果晚要番工，所以話黎唔到接佢，諗住到時出現係機場接佢收工比個驚喜佢

我一放工就嗱嗱臨沖番屋企，沖涼洗頭換件靚衫再去機場接Cindy ，諗住比個驚喜佢，到時佢一定開心到嚇一跳姐，我臨出門口去多次廁所，到到塊塊好似爭緊啲野咁，係呀！又唔記得gel頭呀！



我即刻攞起髮泥，試下gel 所all back頭，望下個成果好似唔好啱我喎，當我諗住上youtube睇下有冇其他造型時，見到手機既時間，仆街！遲到啦！我沖出廳，鞋帶都唔解直接插入隻鞋到，一邊左右扭咁著鞋一邊打開門，咦？！

「咦？！呀賢你去邊呀？」Chris咁啱開門見到我，隻手攞住一袋二袋，佢又買左啲咩返黎？

「我唔番黎訓幾日！」我急住出門口冇時間同佢講野多野，但係Chris擋住咗係門口冇讓開

「吓，你去邊呀？」當我係側邊攝過時Chris捉住我手踭好擔心咁問我

「冇事冇事～我朋友要人幫手姐」我拍拍Chris 隻手安慰佢



「嗯，你朋友一冇事就好番黎啦！」Chris依然捉得我好緊，好似唔想我走咁

「好，我要出門口啦，趕時間！」唔理得咁多啦！一定要比到驚喜Cindy呀！

我落到樓下，一路跑去車站，幾經辛苦先趕到上到架車，沿途我一時望住窗邊既風景，一時整理自己個頭，想比Cindy見到最靚仔大嘅我，好想快啲到呀！好想～好想快啲見到Cindy呀！！！

「下一站客運大樓二～」一到站！我急急腳落車，唔知Cindy會係點到出黎呢，咦？！有兩個保安係到守住，門口仲有個牌寫住「出入境大樓」，應該係呢個啦，咁我係對面馬路mon住，到時再比個驚喜佢

等左一陣，就見到Cindy同一班同事著住紫色制服拖住gip走出黎慢慢傾住計行出黎，我再望下自己既衣著，都係唔好走埋去啦，費事到時我變左異類，又會令到Cindy處境尷尬



我一直係遠遠跟住係Cindy同佢同事後面，等Cindy自己一個人先過去，Cindy同佢啲同事紛紛講拜拜之後，就分散去巴士站

「你估我係邊個？」我行到Cindy背後偷偷地暗住Cindy 雙眼

「仲可以係邊個呀？咪係你囉～古靈精怪」Cindy捉住我雙手，再擰過黎露出甜美既笑容

「你又話要番工既～」Cindy隨即橋住我隻手，一齊行去巴士站

上到車，Cindy都好開心咁挨住我一路講佢做空姐既事，我靜靜地聽佢講，我都好享受呢一刻，同時諗起我幾日前做咗啲對佢唔住既事，令到我有陷入慚愧，諗一諗唔想破壞而家嘅氣氛都係唔講出黎，我怕講咗Cundy就離開我，我好怕會失去佢.....

番到屋企，我幫Cindy攞個gip入房，之後佢就入咗廁所，我就坐係床邊等佢出黎，當Cindy出番黎時見到佢補咗少少妝，但依然著住性感誘人既制服同黑絲，真係好想同佢大戰！

「跟我黎啦～」Cindy捉住我隻手，走去梯廊上去，佢想帶我去邊呢

途中經過二樓，二樓道門鎖咗既？！唔知入面係咩黎既啦？上到三樓，係個天台黎架，天台望出係一片一片無際既海景，而且仲有張櫈同雪櫃仔



Cindy一前我一後咁前後行，哎呀！我比張櫈Click親，跌咗落張櫈，Cindy擰轉身慢慢咁坐落黎，我用手攬住佢，坐上我大髀，挨住我心口

「靚唔靚呀～」Cindy一路講一路撥佢啲頭髮，好香呀！

「緊係靚啦！」呢啲問題真係諗都唔洗諗啦！

「唔係我呀，呢到同仲有上面個天空呀？」上面有咩呀？

「嘩！」我望一望，好靚呀！係閃閃亮亮既天空呀，每一粒星都可以望得好清楚，間房既假天花板同呢個根本冇得比

「你望下」我指着天上面其中一粒好閃嘅星星

「傻仔～直升機黎架啦」Cindy聽到我講之後笑咗出聲，然後就係到恥笑我



「我唔睇啦！」我扮嬲要起身番去咁

「唔好啦，最多哄番你開心～」Cindy推番我落去張櫈到，錫咗我一啖，好似哄小朋友咁哄我

「算你啦」我講完之後，隻手放係佢大脾上到，再錫咗佢一啖，佢望住我好似知道我想點咁～