我以為自己要孤獨一世，直到你出現: 第十章-閃電

「喂，呀賢點呀？上次果條女咩料呀」Ben做咩無啦啦提起差唔多兩個月之前既事

「冇呀，之前啲中學同學黎咋嘛」講起Chrs都差唔多同居咗個半月lu～

「真係？我仲以為係你女朋友添」Ben用好疑惑既眼神望住我

「屌你啦～夠鐘啦，走啦」我都想有女朋友呀！望一望部打卡機，原來夠鐘啦，我攞起書包

嘩！！！屌呀，咁大雨既，仆街冇帶遮呀！唯有等冇咁大雨啦......



「轟隆！」個天突然打雷，嚇到我退後幾步呀

「一念奔向天國～一念墮回地獄」我部手機響，我係褲袋攞出黎睇下係邊個先？Chris！

「喂！呀賢你番黎未呀？」「轟隆！」Chris好心急咁問，個天突然又打雷

「呀！！！」Chris係到大叫

「番緊黎！番緊黎！」唔知Chris自己一個女仔係屋企有咩事呢！我收咗線之後立即跑去巴士站，啲雨水就大大力打落我塊面到



上到小巴，我坐立不安，不知不覺隻手擺係窗口欄杆，用食指不斷點

「轉彎有落！唔該！」我大叫，司機舉起手指表示收到

我落車就跑返屋企，沿途不斷打雷

「轟隆！轟轟隆！轟轟！」

我一打開門，漆黑一片，Chris呢？



「轟隆！「呀！！！」我聽到Chris大叫既聲音

聽到Chris既尖叫聲，我即刻除鞋跑到房門口，一打開見到Chris係床角攞住張被笠住自己

「Chris？」我行過拍一拍佢膊頭

「呀賢！！！」Chris突然打開張被攬住我，反應唔切俾佢嚇親

「呀賢，我....」Chris雙眼充滿着淚水，

「冇事冇事啦」我都攬住Chris輕輕摸佢個頭，安慰佢。因為同Chris靠得好近，聞到佢頭髮既香味，真係好香呀。但係究竟發生咩事？

「轟隆！」「呀！！！」Chris又大叫，佢攬得我更加緊，原來Chris驚行雷，我即刻暗着佢耳仔

「你等等我，好快番黎啦」我行出房個陣感覺到Chris好似仲拉住我，好快攞完野，返到房，Chris即刻攬住我



「嗱，比啲野你睇吓」我攞出係廚房攞既兩個打火機，再將佢哋上下掉轉，再禁著打火機，形成一個心心

「你平時都係咁樣溝女架？」Chris唔知好嬲定好笑咁樣回我，好似冇咁驚喜

我冇答佢，我地一直望住個心心。慢慢出面既雨都開始變細，亦都冇行雷。我要Chris 先瞓落床，而我係佢旁邊一直陪住佢，過咁無耐，當我再望Chris佢已經訓咗啦，我幫Chris冚好被，而我都慢慢挨係床邊訓着咗。