我以為自己要孤獨一世，直到你出現: 第十一章-一夜屋友

—————————
Chris

「呀妹？」呀哥係門口輕輕力拍門

「係，入黎啦」

呀哥打開門，手拎住我最中意既青提子，坐咗係我隔離

「呀妹食咗提子先再做野啦」呀哥遞提子比我



「講啦，今次又咩事呀？」由小到大呀哥有求於我咁會係咁樣，尷尷尬尬既樣

「係咁既，Yan大咗肚呀，所以我就諗不如攞你間房打通佢做BB房，Yan都搬過黎」呀哥愈講愈細聲

「吓，咁我住邊呀？」聽到之後好愕然，我都唔知開心定傷心，遲啲我可以好有個可愛外甥，但同時我又會冇地方住呀。

我知道呀哥冇能力係出面租地方住，但佢有冇為我諗過架！但都明白既Yan呢類港女，之前又講明冇間大房唔會搬過黎同呀哥一齊住，唔會結婚，呢個提議擺明就係Yan諗既啦

「你試下搬去你男朋友屋企住住先，上次佢好似有提佢自己一個人住緊，順便可以同居下啦，遲啲等呀哥有能力就會搬走，比返間大房你呀，幫幫的啦」唉，我都明白呀哥既難處



「但好似唔係咁好」頂！果個假傢，邊有男朋友屋企比我搬過去

「除非果個男朋友係假既啦，邊有男人唔想女朋友過去同會住傢」呀哥居然奸笑咁講

「好呀，我問下佢」我有啲無奈咁答應佢，一世人兩兄妹，唔統睇住佢一家三口逼係間房仔咩

食完飯之後，我開始上網搵吓有邊到可以暫時住住先。頂！係啲租屋網搵咗成晚，結果都係一樣

「由於疫情關係，所有租屋暫停」



唉，唔通真係要搬去同佢住........

————————————

我放工番到屋企，咦？！呀賢呢，唔見佢即係今日應該番7-11啦。望一望個天，點解多咗咁多舊黑雲。嗱！你唔好呀！

「轟隆！」「呀！！！」突然個天響起打雷聲

「轟隆！」 嚇到我即刻跑返房，攞起張被笠住自己，撳實自己隻耳仔

以前都有呀哥係陪住我，同埋有.....佢係到攬住我陪住我。係喎！呀賢應該差唔多番，但係我部手機呢？我係張被到整一條罅再慢慢移動，摸咗一陣，終於搵到部手機啦

「喂！呀賢你番黎未呀？」我打比呀賢好心急咁問



「轟隆！」「呀！！！」個天突然又打雷 ，我嚇到又大叫

「番緊黎！番緊黎！」聽到呀賢咁講，我好似安心好多

收咗線之後，我一直係被竇度到唔敢郁，撳住耳仔合埋雙眼，過咗冇幾耐，我好似聽到開門聲，係咪呀賢呢？

「Chris？」我聽到呀賢叫我既聲音，諗住打開被竇睇下，點知開被竇嗰下巨響既雷聲，嚇到我攬住行係前面既呀賢

「呀賢，我....」我真係怕行雷......呢一刻只係好想有人係身邊陪住我

「冇事冇事啦」呀賢輕輕摸我個頭安慰我，我好自然地將頭貼近佢膊頭

攬住佢果下，有一種好安心既感覺

「你等等我，好快番黎啦」吓.....唔好啦，我細細力扯住佢衫尾，但係呀賢一支箭走，兩支箭番，一番到房，我不自覺地即刻攬番住眼前呢個男仔，因為有佢係度會令到我可以平靜落黎



呀賢攞出兩個打火機，再將佢哋上下掉轉，再禁著打火機，形成一個心心

「你平時都係咁樣溝女架？」我望住個心心好奇問，雖然佢曾經都表演過俾我睇，但係呀賢比到一個好特別嘅感覺我

長期望住個心心眼皮越黎越重，冇幾耐，呀賢就叫我訓低，而我一直拖住佢隻手。

訓醒之後發現我仲拖住佢隻手，而呀賢就挨住我床邊訓緊。望真啲，其實佢個樣都唔錯呀，個人都ok。同時呀賢隻眼開始郁，我即刻扮訓返。

當我真正起身既時候，呀賢已經出咗門口返parttime。之後我都梳洗，諗住去行IKEA，買番啲家居用品。

去到Ikea既時候，當我行到床上用品區時見到個款枕頭好似都唔錯，就諗起呀賢瞓緊嗰個枕頭都好似用咗好耐喎，係咪可以順便幫佢買埋呢。

拎住個枕頭加上其他野，返到屋企已經攰到唔想郁啦。攤係床上突然諗起，呀賢上次同佢個fd打機嗰陣提過，想食腐竹雞蛋糖水，不如今晚落去買，當多謝佢尋晚陪住我都好喎。



買晚餐既時候順便買埋糖水，到差不多呀賢返到既就將啲糖水煲返熱，咁一陣呀賢就可以返到黎有野食啦，

見到我買比佢既新枕頭，唔知會點呢，我都係順面買埋渣，佢唔好誤會呀

但都已經十二點幾點，但呀賢仲未返到，係咪有事發生呀。打唔打比佢問佢係邊好呢，都係wts算啦，打比佢好似好奇怪呀

「賢，放工未？」咁好問好似好少少

呀賢過冇耐就回「今日有少少事，唔返黎」

下？唔返黎？係到住咁耐，佢都冇試過唔返黎喎，咁啲甜水點呀。

最後唯有自己食埋啲甜水啦，衰人！浪費我啲糖水，個枕頭就唔俾你住啦。