我以為自己要孤獨一世，直到你出現: 第九章-同居生活

「邊一個發明了番工～我要給他米田共」，鬧鐘，我一手捽眼，打側身用另一手禁熄佢

唉，好眼訓呀，我起身行去廁所，一路行一路捽眼諗住去刷牙，去到廁所門口見到原來Chris已經係到刷緊牙

「早晨呀」我望住佢尷尬笑，我哋經過咗好平安既第一個晚上

「嗯，早晨呀」Chris望一望我

入到廁所，我攞起牙刷刷牙，企係Chris後面，費時遮住佢



「唰.....唰......唰」刷刷下我慣性望一望塊鏡，咁啱Chris都望住鏡，果刻我哋透過塊鏡間接互望咗一下，好唔自在呀......

Chris刷完就急急腳離開，當我出到黎已經見Chris已經換好衫，今日既佢著住黑色T-shit 同黑色牛仔褲，仲襯咗對黑色既boots，

「我出門口先，拜」Chris一邊綁鞋帶一邊講

「嗯，拜拜」佢今日咁樣既look，型得黎有啲可愛都幾襯佢呀，可能係因為佢既身高啦。

今日同平時一樣都係番工放工，不過唯一唔同嘅就係放咗工可以番屋企，一直打機打到夜晚，但係Chris都未番到



「叮」應該係Chris禁門鐘

我慢慢走去開門，一打開門，都冇人既

「係我呀，開門啦」我伸個頭出鐵閘低頭望，原來鐵閘門遮住咗Chris

「嗯」我縮番個頭入去開門俾佢

Chris一番到黎就拍下自己個身，有啲塵出黎，原來佢今日應該有去地盤。



「um.....你食咗飯未呀？」我見場面咁尷尬，唯有特登搵野黎講下

「食咗啦，你自己食啦，唔使理我」Chris一路行返間房一路答我

「嗯」我都開始肚餓，都煮啲野食

我去廚房打開櫃，物色今晚究竟要食邊個杯麵呢？香辣海鮮？五香牛肉？定係什錦味呀？一於係你啦！打開杯麵，將滾水倒入杯麵，再用叉放係杯麵蓋，坐定定係梳化等食

「你成日都食杯麵架？」Chris攞住套衫，行出黎見到我食緊杯麵

「係呀.....」我苦笑住咁答佢，你估我想既咩.....

「我沖涼先啦」Chris講完就入咗廁所閂門

食食下麵，嘩！我個肚突然好痛，我即刻沖去廁所，屌呀！Chris仲係入面既？！佢好似入咗去成個鐘啦喎



「Chris！我個肚痛呀！你得咗呀？」我大大力敲門

「未得呀！」Chris係廁所入面大叫

屌，仲有幾耐呀？我feel到自己就快忍唔住啦，擋都擋唔到呀，我就黎頂唔住啦！急到我痞低再捉住門柄，唔理啦！我係褲袋攞咗個一蚊出嚟，用解開個門鎖，我入去即刻除咗條褲，坐係坐廁到

哇～舒服曬呀，同時我聽到Chris既慘叫聲

「喂！出番去呀！」Chris係浴簾後面到大叫

「對唔住，我忍唔到呀！」唔係你霸住個廁所一個鐘，我洗咁！如果屋企得我一定唔會咁樣

「你去完，即刻同我出黎去！咪望過黎呀」Chris好惡咁講



我好快就屙晒出嚟，但係個肚依然痛緊，我坐咗係到，等自己冇咁痛，望住個浴簾，Chris既身材係燈光之下，係浴簾呈現出黎

「你唔好望入黎呀！」Chris講完，我即產生歪念，講完唔好望，我更加想望呀

我坐係座廁上面，慢慢咁郁動上半身去浴簾旁邊，用手指慢慢打開少少黎睇，嘩！！！Chris背對着我個背身好白，一條毛都冇，patpat好圓，我都係第二次見到女仔既全相

「你得未呀，！」Chris又係到大叫

「得啦得啦」我慢慢整番好浴簾，着返條褲，之後就出咗去

冇幾耐，Chris係廁所行出黎，我望住佢，諗起啱啱見到佢背身果個情景，真係好想望多次

原來屋企多個人都唔係得壞處喎。