我以為自己要孤獨一世，直到你出現: 第八章-同居

Chris叫伯母離開廚房先，佢並冇離開反而企咗係到

「我都幫手啦」下？我冇聽錯呀！ Chris竟然會幫手喎

「洗潔精好傷皮膚架，不如我洗你幫手抹」我除咗對手套比Chris

「嗯，好啦」Chris既語氣好似冇咁cool

我地全程好有默契，我將洗乾淨既碗遞比Chris，佢就抹乾放上碗櫃，成個過程我地冇講野，我突然覺得有種老夫老妻既感覺



「伯母世伯，我走先啦」愈快走愈安全呀，費事夜場夢多啦

「好呀，下次再上黎食飯啦」伯母好期待咁講

「呀賢我送你呀！」Chris都有跟足劇本，行過黎拖住我隻手一齊行出門口，不過Chris隻手細細隻又幾滑

Chris陪我行去地鐵站，我哋沿途都冇出聲，我一直望住前面唔敢望住佢，真係好尷尬呀！

「你捨得放手未？」Chris打側個頭望住我，



我望一望，原來我仲拖住咗佢隻手，唔記得放開

「唔好意思呀！」我即刻嚇到縮開左隻手

「係呢，頭先唔該曬你喎」Chris低頭好細聲咁講

「我多數你先係啦，都有兩年都冇食中秋節飯lu～」

之後係沿途我哋都傾咗唔少野，大概都係問對方嘅背景，而氣氛都開始冇咁尷尬



原來我同Chris都幾啱傾，到咗地鐵站之後，講拜拜之後就走咗lu～
————
「叮！」我係訓到神誌不清嘅情況之下聽到門鐘，屌，邊個呀？難得今日放假，嘈住曬！

「叮！叮！」屌！諗住唔撚理都唔得！我起身快步行去開門，諗住一開門就屌柒叮門條仆街仔

我一打開門，冇人既？邊條仆街玩門鐘呀！我諗住打開鐵閘追出去，屌柒佢！ ！ ！

「Chris？！」我一打開鐵閘，見到Chris係旁邊行出黎，仲拖住兩個大gip

「我冇地方住呀，所以想暫時住係到」Chris不慌不忙咁望住我講

「下」哭撚咗！上次見已經係兩個星期前，件事唔係已經完咗啦咩？點解仲有後續傢？發生咩事呀

「放心，我會俾番錢你」Chris講完直接冇視我，沖咗入嚟我屋企，我完全比唔切反應，個腦仲係開緊機既狀態.....



屌，唔入都入咗黎啦，我死死氣咁閂門入留屋。轉身，咦？ ！人呢！淨係見到佢果兩個大gip放咗係廳，唔通係......

「餵！」心裏不妙呀！我即刻衝入房

「你尋晚打飛機黎？好腥呀！」Chris一隻手拎住我尋晚真係攞黎打完飛機既紙巾，另一隻手暗住個鼻，鄙視咁望住我

「唔係呀！」邊有男仔會認架......

我即刻搶番紙巾，衝去廁所揼咗佢，再衝番入間房

「攞住啦，望咩呀！你唔係要個女仔訓廳呀？」Chris攞住我個枕頭同被鋪遞比我

「嗯」唉，估唔到我連自己唯一擁有既一間房都冇埋



我攞住枕頭同被鋪好晦氣咁揼係沙發上面，唯一可以令自己開心番既野就係去電腦枱坐低打機

順便消化一下呢唔夠半個鐘發生既事

突然有個唔熟既女仔話同我同居？之後仲霸住我間房，我變咗要瞓廳，佢而家個人仲要閂埋門係我間房

到咗晚上，Chris都冇乜點出過黎，淨係見過佢去過幾次廁所。無奈既我只可以瞓係沙發上，好唔習慣呀！我攞起手機玩，之後隻眼不知不覺咁樣合埋，瞓著咗