《我坐上了尾班輕鐵》: 12.陰森的西鐵站

從車尾的逃生門下車，我們一行4人徐徐步向西鐵站。

我腦海中浮出好幾個疑問：「究竟張伯和七姑隱暪緊乜野？七姑俾咗咩張伯呢?我地係咪真係可以相信佢地？神秘人想點...」

12號走在我們的後面。我回過頭問：「你叫咩名呀？無理由一直叫你12號。」所有人目光放在12號身上。

「我叫 Anson!」他友善地回答。

接著我和呀興簡單地介紹自己。





不經不覺，我們已經繞到對面月台尾端，呀興先攀上不銹鋼扶手梯，隨後到我、 Anson和張伯。

在月台上張伯說：「月台應該有後備供電系統，我們兵分兩路，一隊嘗試入客務中心，睇下有無CCTV；另一隊搵供電房打開後備電箱！」

Anson 提問：「我地應該點分隊？張伯不如我同你一隊丫...」

張伯點頭表示同意。隨即對我們說：「你地兩個小心行動，見勢色唔對千祈唔好勉強，返回輕鐵車廂。手錶分針指住12分，我地45分車廂集合，假如搵到13號馬上折返嘅相叫車長響警號示意，清楚嗎？」

呀興笑著回答：「Ok！」 而我則擔心稍後他能不能笑出來。





張伯示意他和Anson 從東面搜起，我們則由西面開始搜索。

大概行了三分鐘，我們看到有間麵包店，門口有一籃待上架的麵包，呀興提議把麵包帶上。他拆開一袋方包，然後吃了起來。我把兩張$100紙鈔放到籃子裏，默默地將麵包放入袋。

呀興說：「大家應該都餓啦，好彩我見到有籃麵包咋，一陣拎上車人人有包食，哈哈！」我沒給他反應。

我們接著走，經過幾間商舖，可惜仍未見13號蹤影。

鏡頭一轉～





Anson發現地上有幾粒石頭，把張伯叫住。張伯估計石頭是有心人留下的，並吩附他把石頭收好。

他們順著石頭走，發現電力房傳來微弱交談聲。張伯眼神示意Anson 退後，舉起手電筒便將電力房大門打開。

叫道：「舉高雙手唔好郁！」隨後看到十來人坐在地上，一臉被嚇到。此刻張伯有點尷尬。

Anson回過神來激動地說：「我認得你! 上車前你撞到我，搞到我跌咗張八達通落地下! 」接著說：「我地係來自前一節車廂既乘客，一直係到諗想盡方法同你地會合...啱先，我地有位男乘客唔見咗，佢着西裝戴眼鏡你有冇見過啊？」

張伯留意到大炮哥不在此房，便插話：「你地一共有幾多個人？」

有一位中年男士年約40歲回話：「唔好意思呀撞到你頭先我掛住回覆客戶短訊無睇路sorry！我地有14人，有3個出咗去搵線索仲未翻黎... 你地就撞入黎...」

「Anson 你帶佢地返車廂先，我留低等埋果3個人...小心注意附近環境 !」張伯說。

Anson 點頭表示知道便帶著人出去...





鏡頭一轉～

「咦！你有無留意到個閘門打開咗？不如我地入去搵？」呀興指向閘門提議。

我想了一下，只要不走太遠，危險性較低，有事發生我們也易於逃跑，便和他一起走進去。

走了兩步看到空無一人、漆黑的便利店，我拿了幾瓶水並照舊放下了$100，佔便宜不是我的作風。

「噠～噠～」不知從哪來微弱聲響。

「你聽唔聽到有聲？」我低聲地問呀興。

呀興面色發青，點頭示意他也聽到怪聲。





隨着我們往前走，噠噠聲變得越來越明顯。原來聲音來自士多房。

呀興低聲問：「入唔入呀？」

「入啦！可能係13號...」

「咁你行先！」呀興說完便推了我一把。

「咔擦～」我輕輕一推士多房的大門便打開了。

我們慢慢走進去。噠噠聲依然在，呀興幾乎貼著我的背脊走路。士多房內有一個置物架，上面放有一些清潔器具。旁邊地上有幾個「小心地滑」的告示牌。

「前...前...前面有舊黑色野呀！」呀興指著前面說。

我把裝有麵包和水的袋子交給呀興，便往前走去。





走近一看，這男人戴眼鏡穿西裝應該是13號。噠噠聲則是機器運作的聲音。

我輕拍他的肩膀，接著問：「你係咪13號？」

「係！我係車廂停電果陣聽到有把聲叫我落車，話可以幫我出去，落車之後好似被電擊咁，跟住聽到噠噠先我先醒返，清醒過來就發現自己處身係士多房。外面傳過幾次一班人走過既聲，我都唔敢出去。好彩你地黎搵我，多謝你地。」13號真摯地道謝。

突然外面傳來奔跑的腳步聲，我們馬上噤聲。

「我們將要面對什麼呢？出去會唔會太冒險？點先可以安全返上輕鐵？」我在心裏盤算著。

我把門輕輕開了一條缝，隱约看到遠處有幾個黑影，畢竟没有光很難識别他們是否「自己人」。