《我坐上了尾班輕鐵》: 14.折返

待腳步聲遠去，呀興說：「不如我地先返回車箱再作打算...」

甫想到奇怪的「噠噠」聲以及太順利找到13號，我心裏總覺得有點奇怪。這就像一個等待獵物的陷阱。

「先缓缓！」説畢，我走向電箱並欲將其打開。

此時，13號突然出狀况。他像被某種力量操控般，向電箱走去。

「喂！ 呀興你快手㩒住佢先 ! 我睇吓電箱有咩古怪...」我馬上把電箱門打開，望到裏面有一堆電線、兩塊磚頭、一個持續發出「噠噠」聲的金屬球。





「嘭！」門被粗暴地打開了。

來人是張伯及他身後跟著幾個人，看來人已經找到，我立馬鬆一口氣。

張伯自語：「又係磚頭 ! 」

張伯回神後説：「呀鳴 check 吓佢手臂有無俾人植入晶片，摸到一粒凸起既就係。」

果然，他手臂有一處凸起小l,像指甲大小的硬物，我給張伯一個眼神。我和呀興有默契地一起按著13號，張伯從褲袋拿出一把瑞士刀，在他手臂輕輕一挑，不消一刻晶片便拿出来了。





晶片是一片黑色像中指指甲蓋大小的圓拱形金屬片。

取出後，13號静静地觀察我們。

「呀興你同呀嗚幫我將電箱入面既磚同金屬球打包拎上車，既然搵到人咁客服中心一陣先再去，大炮你地跟我上輕鐡先，我地睇吓下一步可以點做! 」張伯冷静地給我們安排工作。

我們一行人向輕鐡移動。一路平靜，安全折返。

呀宜上前給我一個實在的擁抱。七姑亦上前拍了拍張伯的肩膊。呀興和Wincy 直接親上了。此刻，我感到有點不真實。





「我檢查過車上所有人無問題。」七姑說。

張伯捉緊時間， 立即追問大炮哥：「你地經歷咗咩？係幾時發現同我地分開咗？」

「洗唔洗好似審犯咁？！由一開始架車無開過，我地咪焗住落車囉！」大炮哥態度不善地回答。

「你地點解係電力房外面放石頭既？」

「石頭？！我無放過喎...你地放架？」大炮哥望向他的手下。

手下搖頭表示没有。

Anson 配合地把石頭拿出來。檢查後發現石頭只是普通的石頭。

「好似有人幫助我地搵你地咁，太順利喇...最好我地可以睇到CCTV咁就知道發生咩事！」 我邊說邊把麵包從袋取出來。





呀宜很自然從我手接過麵包並分給乘客。13號接過麵包吃了起來。

張伯說：「13號俾人植入過晶片，佢唔會記得植入前3小時發生咩事，暫時俾佢抖吓。大家休息吓先，我地一陣去揾 CCTV 。七姑，呀鳴發現咗磚頭同金屬球，你試試搵吓線索。」