《我坐上了尾班輕鐵》: 11.恐懼

車長提問：「我地現時只靠輕鐵電纜供電照明，如果一陣神秘人切斷電源我地點算好？」

「有七姑係度唔洗擔心，不如擔心肚餓好過啦！」張伯回答。

此刻，呀興的肚子傳出「咕咕」聲音在寧静的車廂中格引人注目，頓時令車廂氣氛輕鬆不少。

「要諗方法搵番另一節車廂既人同埋走出結界先真！張伯你建議唔好打開金屬球，咁我地下一步應該做咩呢？呀！幾乎唔記得仲有隻陀錶！」我問。

張伯自然地望向七姑。





不知道七姑從那裏拿出三根香並且將其點燃。幾乎是一眨眼的時間，香便很快燒至根部並且傳出一股刺鼻的味道。

七姑用平淡的語氣說：「有怨氣～好強既怨念！」

她吩咐呀興清點車廂人數並叫Wincy用紙記錄下來。雖然不清楚她用意為何，他們照做無誤。

「我估計好快呢架車就會無電，我地將會身處黑暗之中！而家大家報數，記住自己號碼，每隔一陣我會搖銅鈴，大家聽到鈴響自動自覺順序報數。我希望大家相信我，唔好驚，因為人一驚「好朋友」就會乘虛而入，報數原因我都係唔想有其他人混入黎，大家明白嗎？」

大家都清楚事件的嚴重性，紛紛一致點頭表示明白。





七姑搖響銅鈴。鈴～鈴～

「1...2...3...」車廂只剩下報數的聲音。

七姑提醒過後，不知道是不是已經有心理準備，斷電的時候我沒有太大恐慌的感覺。七姑和張伯令我感到安心。

不消一刻，車廂陷入一片漆黑。

張伯脱口説：「頭先陀錶係冇郁過，而家有行緊既「滴答」聲，倒數計時開始了！」





此刻，他給我的感覺是陀錶倒數計時是在他預計之內，他到底還有什麼隱瞞呢？！ 我們究竟將會面對什麼？

月台微弱的燈光折射到車廂裏面，我隱約見到每個乘客的輪廓。呀宜半靠在我身體右邊，可惜現在並不是合適的時候去享受這種溫暖。

「唔洗驚，我地一定可以走出去既！」我把左手搭上呀宜的肩膀安慰她說。

Wincy突然站起來用尖銳的聲音對着張伯和七姑説：「上次你地阻止到我，今次我唔會再比同樣事情發生！哈哈哈！！！」

乘客A口齒不清地說：「鬼...鬼...鬼...鬼上身呀～」

「同我㩒住佢！」七姑命令呀興。 然後，不知從哪裏拿出一對筷子，像電影情節一樣，把筷子夾向Wincy 的中指。之後她雙指並攏，口中唸唸有詞，在Wincy 眉心比劃，Wincy 像虛脫一般暈了過去。

「大家請唔好驚！呢個後生女就係驚，加上佢本身八字輕，先至被鬼睇中乘虛而入！」七姑補充。

車廂的人看到此情境已不懂反應。





我站起來說：「我地要合作，我相信我地可以一齊出到結界！」說完便幫助呀興一起把Wincy 安頓好。

七姑搖響銅鈴，我們自覺地報數。「1...12...」 點名直到12號一直相安無事，但到13號時，13號的人沒有接下去！

「13號呢？13號！ 12號你認唔認識13號？佢係男定女？」 我故作鎮定地問。

12號用顫抖的聲線回答：「我唔認識13號...佢係一位男士，年齡大約40歲，我留意到佢戴金絲圓形眼鏡，着住藍色恤衫黑色西褲，拎住一個皮公事包。」

張伯指向車尾説：「後面逃生門打開咗，而家只有兩個可能性，一個係13號自己行出車廂，另一個係佢被人捉走。車廂裏面唔洗講一定會比外面安全！但而家唔見咗一個人，係一條人命，有無人肯自願跟我出去搵？」

12號率先舉手並堅定地說：「我認得佢個樣，張伯我跟你去搵佢!」

我點一點頭表示我也加入。





「張伯我都去！」 呀興附和。

最令我意想不到的是呀興竟然自告奮勇地加入搜索。他吩咐呀宜幫忙照顧Wincy。車長也想去，不過被張伯笑著拒絕了，原因是要留著他晚點破解結界之後把我們安全送回家（很正常呀！只有他能夠駕駛輕鐵。）。

張伯和七姑說了幾句，我在黑暗中用餘光隱約地看到七姑塞了一樣東西給張伯，隨後我們一共4人準備下車找13號。